Осы редакция 2016 жылғы 9 сәуірде енгізілген өзгерістеріне дейін қолданылды
Қазақстан Республикасы
Ішкі істер министрінің
2012 жылғы 29 наурыздағы
№ 182 бұйрығына
6-қосымша
Қазақстан Республикасының Ішкі істер министрлігi
Қылмыстық-атқару жүйесі комитеті тергеу изоляторларының ішкi тәртіп
қағидасы
1. Жалпы ережелер
1. Осы Қазақстан Республикасының Ішкі істер министрлігі Қылмыстық-атқару жүйесі комитеті тергеу изоляторларының ішкі тәртіп қағидасы (бұдан әрі - Қағида) «Адамдарды қоғамнан уақытша оқшаулауды қамтамасыз ететін арнаулы мекемелерде ұстау тәртібі мен шарттары туралы» Қазақстан Республикасының 1999 жылғы 30 наурыздағы Заңының (бұдан әрі - Заң) 15-бабына сәйкес, күдіктілерді және айыпталушыларды ұстау режимін қамтамасыз ету мақсатында Қазақстан Республикасының Ішкі істер министрлігі Қылмыстық-атқару жүйесі комитеті тергеу изоляторларының ішкі тәртібін белгілейді.
2. Осы Қағида:
1) күдіктілерді және айыпталушыларды қабылдау және камераларға орналастыру,
2) күдіктілердің және айыпталушылардың жеке бастары мен киім кешектерін тексеру;
3) күдіктілерден және айыпталушылардан сақтауға және пайдалануға тыйым салынған заттарды тәркілеу;
4) күдіктілерді және айыпталушыларды материалдық-тұрмыстық қамтамасыз ету;
5) күдіктілердің және айыпталушылардың азық-түліктерін, сонымен қатар бірінші кезектегі қажетті заттар мен басқа да заттарды алу;
6) күдіктілердің және айыпталушылардың сәлем-сауқат және сәлемдемелерді қабылдау;
7) күдіктілердің және айыпталушылардың жеделхат, хат және аударымдар қабылдау мен жолдау;
8) күдіктілердің және айыпталушылардың өтініштерімен арыздарын жолдау;
9) күдіктілердің және айыпталушылардың діни рәсімдер;
10) айыпталушыны еңбекке тарту,
11) күдіктілердің және айыпталушылардың отбасылық-құқықтық қатынастары мен азаматтық-құқықтық келісімдерге қатысу;
12) айыпталушылардың газет-журналдарға жазылу жұмыстарын жүргізу,
13) күдіктілерді және айыпталушыларды дәрігерлік-санитарлық қамтамасыз ету;
