19.07.2023
Сотты құрметтемегені үшін жауапкершілік
Заңды қолдана отырып, қолданыстағы заңнаманың ережелерін дұрыс қолдану керек. Процеске қатысушылардың және өзге де адамдардың қатысуынсыз соттың ісін одан әрі қарауы мүмкін болмайтын жағдайларда, жәнеде шақыру қағаздары, хабарлау, хабардар ету немесе шақыру бойынша сотқа дәлелді себептерісіз келмеуінен, сот отырысында төрағалық етушінің өкімдеріне бағынбаудан, сотта белгіленген қағидаларды бұзудан, ортаны құрметтемеушілік, сондай-ақ сотты және судияны құрметтемеушілік анық көрінетін, өзге де құқық бұзушылыққа жаза белгіленген, жалпы сот отырысындағы тәртіп заңмен қорғалған.
Сотты құрметтемеу азаматтық процестік кодексінің сот процесінде қатысушыға сотты құрметтеу міндеті жүктеледі. ҚР Азаматтық процестік кодексінің 187-бабына сәйкес сот отырысындағы тәртіп белгіленген және сот отырысына қатысатын азаматтар судья сот отырысы залына кірген кезде орнынан тұру керек және судияға -«Құрметті сот» деп жүгінуге тиісті. Сонымен қатар сотты құрметтемеген жағдайда, сот ережелерін бұзған кезде жауапкершілік нормалары белгіленген. «Қазақстан Республикасыныңсот жүйесі және судиялардың мәртебесі туралы» Конституциялық заңға сәйкес сотқа немесе судияға құрметтемеушілік білдіру заңда белгіленген әкімшілік жауапкерлікке әкеліп соғады. Сотқа құрметтемеушілік танытқан жағдайда. Мысалы: азаматтар сот отырысына еш силы себепсіз келмеген жағдайда, ішімдік ішіп мас күйінде келген уақытта немесе тағы да басқа сол сияқты құрметтемеушілік танытатын жағдайларда сот процесіне қатысу ережелеріне сәйкес ҚР ӘҚБтК-нің 653- бабына сәйкес әкімшілік шаралар қолданылатын болады. Сот приставтары келушілердің құқықбұзушылық және тәртіпті бұзғаны үшін ҚР ӘҚБтК-нің 653-бабымен әкімшілік құқық бұзушылық туралы хаттамасын толтып істі әкімшілік сотқа жолдайды.
Осы ҚР ӘҚБтК-нің 653-бабының 1-ші тармағы бойынша ескерту немесе жиырма айлық есептік көрсеткіш бойынша айыппұл не болмаса бес тәулікке дейін әкімшілік қамаққа алу, ал 2-ші тармағы бойынша бір жыл ішінде қайталанған жағдайда отыз айлық есептік көрсеткіш айыппұл немесе он тәулікке дейін бас бостандығынан айыру жазасы қарастырылған.
Ақмола облысы Көкшетау қаласының мамандандырылған тергеу сотының
аға сот приставы Нұрлан Нұрбаев.
