«Жайлы мектеп» білім беру саласындағы пилоттық ұлттық жобасын бекіту туралы» Қазақстан Республикасы Үкіметінің 2022 жылғы 30 қарашадағы № 963 қаулысына өзгерістер мен толықтырулар енгізу туралы
Қазақстан Республикасы Үкіметінің 2024 жылғы 18 наурыздағы № 202 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Жайлы мектеп» білім беру саласындағы пилоттық ұлттық жобасын бекіту туралы» Қазақстан Республикасы Үкіметінің 2022 жылғы 30 қарашадағы № 963 қаулысына мынадай өзгерістер мен толықтырулар енгізілсін:
көрсетілген қаулымен бекітілген «Жайлы мектеп» білім беру саласындағы пилоттық ұлттық жобасында:
мазмұнында:
он жетінші жолдан кейін мынадай мазмұндағы жолмен толықтырылсын:
«
| 9-1-қосымша. «Жайлы мектеп» білім беру саласындағы пилоттық ұлттық жобасы шеңберінде консорциум құру арқылы іске асырылатын мемлекеттік-жекешелік әріптестік жобаларының базалық параметрлері | |
»;
«Ұлттық жобаның мақсаты мен міндеттері» деген 3-бөлімде:
он жетінші бөліктен кейін мынадай мазмұндағы он сегізінші, он тоғызыншы, жиырмасыншы, жиырма бірінші, жиырма екінші, жиырма үшінші, жиырма төртінші, жиырма бесінші бөліктермен толықтырылсын:
«Төртінші тетік. Консорциум құру арқылы жобалық қуаты кемінде 600 орындық орта білім беру ұйымдарын (бұдан әрі - МЖӘ объектісі) салу.
Бұл тетікті іске асыру ұлттық жобаға 9-1-қосымшаға сәйкес «Жайлы мектеп» білім беру саласындағы пилоттық ұлттық жобасы шеңберінде іске асырылатын мемлекеттік-жекешелік әріптестік жобаларының базалық параметрлеріне (бұдан әрі - консорциумның базалық параметрлері) сәйкес консорциум құру арқылы жүзеге асырылады.
Қажет болған жағдайда Консорциумның базалық параметрлері нақтыланған және (немесе) жақсартылған сипаттамалар, сондай-ақ ұлттық жобаны іске асыруға көзделетін қаражат шегіндегі шығыстар көлемі ескеріле отырып қайта қаралуы мүмкін.
Жеке кәсіпкерлік субъектісі (бұдан әрі - жекеше 1-әріптес) және орта білім беру ұйымы (бұдан әрі - жекеше 2-әріптес) консорциумға қатысушылар болып табылады.
