Осы редакция 2016 жылғы 25 ақпанда енгізілген өзгерістеріне дейін қолданылды
Қазақстан Республикасы
Әділет министрінің м.а.
2015 жылғы 28 мамырдағы
№ 300 бұйрығына 5-қосымша
«Жылжымайтын мүліктің болмауы (болуы) туралы анықтама беру»
мемлекеттік көрсетілетін қызмет регламенті
1. Жалпы ережелер
1. Мемлекеттік қызмет Қазақстан Республикасы Үкіметінің 2015 жылғы 28 сәуірдегі № 246 бұйрығыменбекітілген «Жылжымайтын мүлікке құқықтарды тіркеу және міндетті мемлекеттік тіркеуге жатпайтын жылжымалы мүлік кепілін тіркеу мәселелері бойынша мемлекеттік көрсетілетін қызметтердің стандарттарын бекіту туралы» мемлекеттік көрсетілетін қызмет стандартының (Нормативтік құқықтық актілерді мемлекеттік тіркеу тізілімінде № 11408 тіркелген)(бұдан әрі - Стандарт) негізінде көрсетіледі.
2. Мемлекеттік қызмет көрсету нысаны - электрондық (ішінара автоматтандырылған) (стандарттың 5-тармағы).
3. Мемлекеттік қызмет көрсетудің нәтижесі жылжымайтын мүліктің болмауы (болуы) туралы анықтама беру болып табылады (стандарттың 6-тармағы).
2. Мемлекеттік қызметті көрсету барысында көрсетілетін қызметті
берушінің құрылымдық бөлімшелерінің (жұмыскерлерінің) әрекеттер тәртібінің сипаттамасы
4. Мемлекеттік көрсетілетін қызмет стандартының 1-қосымшасына сәйкес белгіленген нысандағы құқықтық кадастрдан жылжымайтын мүлікке құқықтарды (құқықтық ауырпалықтарды) мемлекеттік тіркеу туралы ақпарат алуға сұрау салу (бұдан әрі - сұрау салу) көрсетілетін қызметті берушінің мемлекеттік қызмет көрсету бойынша рәсімдерін (әрекеттерінің) бастау үшін негіз болып табылады.
5. Көрсетілетін қызметті алушы жылжымайтын мүліктің болмауы (болуы) туралы сұрау салуды орталыққа береді.
1) орталық жұмыскері мемлекеттік ақпараттық жүйесінде мәліметтердің бар болған жағдайында 20 (жиырма) минуттың ішінде ЭҮП арқылы мемлекеттік қызметті көрсетудің нәтижесін береді;
2) орталық жұмыскері мемлекеттік ақпараттық жүйеде деректер болмаған жағдайда көрсетілетін қызмет берушіге сұрау салу жолдайды.
