Қазақстан Республикасы
Инвестициялар және даму министрлігінің
Құрылыс және тұрғын үй-коммуналдық
шаруашылық істері комитеті төрағасының
2017 жылғы 14 қарашадағы
№ 249-нқ бұйрығына
1-қосымша
Осы редакция 2021 жылғы 27 шілдеде енгізілген өзгерістеріне дейін қолданылды
ҚР Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті төрағасының м.а. 2020.30.07. № 110-НҚ бұйрығымен 1-қосымша жаңа редакцияда (бұр.ред.ақара)
Қазақстан Республикасында құрылыстың сметалық құнын айқындау жөніндегі
нормативтік құжат
(2020.30.07. берілген өзгерістер мен толықтырулармен)
1 тарау. Жалпы ережелер
1. Осы Қазақстан Республикасындағы құрылыстың сметалық құнын анықтау жөніндегі осы нормативтік құжат (бұдан әрі - Нормативтік құжат) «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасының 2001 жылғы 16 шілдедегі № 242 Заңының 20-бабы, 6-2) тармақшасына сәйкес әзірленді және құрылысқа мемлекеттік инвестициялар және квазимемлекеттік сектор субъектілерінің қаражаты есебінен салынатын объектілер бойынша жобалау алдындағы, жобалау (жобалау-сметалық) құжаттамасын әзірлеу кезінде құрылыстың сметалық құнын анықтауға арналған.
2. Құрылыстағы сметалық нормалаудың және баға белгілеудің негізгі міндеттері болып табылатындар:
құрылысқа арналған шығындарды жоспарлауды, оны ұйымдастыру мен қаржыландыруды қамтамасыз ету;
кәсіпорындардың, ғимараттар мен құрылыстардың (жаңа, кеңейтудің, реконструкциялаудың, жаңғыртудың, техникалық қайта жарақтандырудың, қолданыстағыларды күрделі жөндеудің) техникалық-экономикалық негіздемелері мен сметалық құнын анықтаудың дұрыстығын қамтамасыз ету;
