Қазақстан Республикасы Қаржы министрiнiң «Қазақстан Республикасының Бірыңғай бюджеттік сыныптамасының кейбір мәселелері» 2025 жылғы 4 сәуірдегі № 149 және «Бюджет түсімдерін бюджеттердің деңгейлері, Қазақстан Республикасы Ұлттық қорының, салықтық емес төлемдер есебінен қалыптастырылатын бюджеттен тыс қорлардың қолма-қол ақшаны бақылау шоттары және Еуразиялық экономикалық одаққа мүше мемлекеттердің бюджеттері арасында бөлу кестесі» 2025 жылғы 4 сәуірдегі № 150 бұйрықтарына өзгеріс пен толықтырулар енгізу туралы
Қазақстан Республикасы Қаржы министрінің м.а. 2025 жылғы 15 мамырдағы № 228 бұйрығы
БҰЙЫРАМЫН:
1. «Қазақстан Республикасының Бірыңғай бюджеттік сыныптамасының кейбір мәселелері» Қазақстан Республикасы Қаржы министрінің 2025 жылғы 4 сәуірдегі № 149 бұйрығына мынадай өзгеріс пен толықтырулар енгізілсін:
көрсетілген бұйрықпен бекітілген Қазақстан Республикасының Бірыңғай бюджеттік сыныптамасында:
бюджет түсiмдерiнiң сыныптамасында:
5 «Бюджеттік кредиттерді өтеу» санатында:
01 «Бюджеттік кредиттерді өтеу» сыныбында:
1 «Мемлекеттік бюджеттен берілген бюджеттік кредиттерді өтеу» кіші сыныбында:
мынадай мазмұндағы 24 және 25 ерекшеліктермен толықтырылсын:
«24 Облыстардың, республикалық маңызы бар қаланың, астананың жергілікті атқарушы органдарына Қазақстан Республикасының Ұлттық қорынан берілетін нысаналы трансферт есебінен республикалық бюджеттен 2024 жылғы 1 қаңтарға дейін берілген бюджеттік кредиттерді өтеу
25 Мамандандырылған ұйымдарға Қазақстан Республикасының Ұлттық қорынан берілетін нысаналы трансферт есебінен республикалық бюджеттен 2024 жылғы 1 қаңтарға дейін берілген бюджеттік кредиттерді өтеу»;
бюджет шығыстарының функционалдық сыныптамасында:
06 «Әлеуметтiк көмек және әлеуметтiк қамсыздандыру» функционалдық тобында:
9 «Әлеуметтiк көмек және әлеуметтiк қамтамасыз ету салаларындағы өзге де қызметтер» функционалдық кіші тобында:
213 «Қазақстан Республикасының Еңбек және халықты әлеуметтiк қорғау министрлiгi» бюджеттік бағдарламалар әкімшісі бойынша:
