Қазақстан Республикасы
Әдiлет министрiнiң
міндетін атқарушының
2015 жылғы 26 мамырдағы
№ 297 бұйрығына
1-қосымша
ҚР Әділет министрінің м.а. 2020 жылғы 28 мамырдағы № 62 бұйрығымен күші жойылды
«Нотариаттық қызметпен айналысу құқығына аттестаттаудан өткiзу»
мемлекеттiк көрсетiлетiн қызмет регламентi
(2018.20.03. берілген өзгерістер мен толықтырулармен)
ҚР Әділет министрінің 2018.20.03. № 442 бұйрығымен 1-тараудың тақырыбы жаңа редакцияда (бұр.ред.қара)
1-тарау. Жалпы ережелер
ҚР Әділет министрінің 2018.20.03. № 442 бұйрығымен 1-тармақ жаңа редакцияда (бұр.ред.қара)
1. «Нотариаттық қызметпен айналысу құқығына аттестаттаудан өткiзу» мемлекеттік көрсетілетін қызметін (бұдан әрі-мемлекеттік қызмет) Қазақстан Республикасы Әділет министрінің 2015 жылғы 24 сәуірдегі № 232 бұйрығымен бекітілген «Нотариаттық қызметпен айналысу құқығына аттестаттаудан өткiзу» мемлекеттік қызметтер көрсету стандартының (Нормативтік құқықтық актілердің мемлекеттік тізілімінде № 11095 болып тіркелген) (бұдан әрі-Стандарт) негізінде аумақтық әділет органдарымен (бұдан әрі-көрсетілетін қызметті беруші) көрсетіледі.
Өтініштерді қабылдау мен мемлекеттік қызметті көрсету нәтижелерін беру www.egov.kz «электрондық үкiметтің» веб-порталы (бұдан әрi - портал) арқылы жүзеге асырылады.
ҚР Әділет министрінің 2018.20.03. № 442 бұйрығымен 2-тармақ жаңа редакцияда (бұр.ред.қара)
2. Мемлекеттік қызметті көрсету электрондық нысанда.
ҚР Әділет министрінің 2018.20.03. № 442 бұйрығымен 3-тармақ жаңа редакцияда (бұр.ред.қара)
3. Мемлекеттiк қызметті көрсету нәтижесi: Стандартқа 1-қосымшаға сәйкес нысан бойынша нотариаттық қызметпен айналысу құқығына үміткер адамдардың аттестаттаудан өткені туралы шешім не Стандартқа 2-қосымшаға сәйкес нысан бойынша нотариаттық қызметпен айналысу құқығына үміткер адамдардың аттестаттаудан өтпегені туралы шешім не Стандарттың 10-тармағында көрсетілген негіздер бойынша аттестаттауға жіберуден дәлелді бас тарту болып табылады.
