Қазақстан Республикасы
Туризм және спорт министрінің
2025 жылғы 14 шілдедегі
№ 129 бұйрығына 14-қосымша
Стенд ату бойынша спорттық даярлаудың ұлттық стандарты
Түсіндірме жазба
Спорт түрлері бойынша спорттық даярлықтың ұлттық стандарты спортшыларды даярлауды стандарттау, жүйелеу және оның тиімділігін арттыру үшін әзірленді. Оның негізгі мақсаты - стенд ату бойынша спорттық даярлықты жүзеге асыратын барлық мекемелер мен ұйымдар үшін талаптар мен критерийлерді стандарттау.
Мұндай стандартты әзірлеудің негізгі міндеттері мен мақсаттары:
1. Дайындықты біріздендіру
Өңірге, мектепке немесе жаттықтырушыға қарамастан елдің барлық аумағында спортшыларды даярлаудың бірыңғай тәсілін қамтамасыз етеді.
2. Сабақтастықты қамтамасыз ету
Стандарт бастапқы кезеңнен бастап жоғары спорт шеберлігіне дейінгі дайындық кезеңдерінің нақты құрылымын белгілейді. Бұл спортшыны дамытудың қисынды және тиімді жүйесін құруға мүмкіндік береді.
3. Даярлық сапасын бақылау
Даярлықтың әрбір кезеңінде нақты нормативтер мен нәтижелерге қойылатын талаптар айқындалады, бұл жаттықтырушылар мен ұйымдар жұмысының жетістігі мен сапасын шынайы түрде бағалауға мүмкіндік береді.
4. Спорт резервін қалыптастыруға ықпал ету
Стандарттар ұлттық құрамалар үшін сапалы резерв қалыптастыра отырып, дарынды спортшыларды анықтауға және дамытуға көмектеседі.
5. Халықаралық талаптармен кіріктіру
Әзірлеу кезінде халықаралық стандарттар мен үрдістер ескеріледі, бұл қазақстандық спортшыларға әлемдік аренада бәсекеге қабілетті болуға мүмкіндік береді.
1. Дене шынықтыру-спорт ұйымдарындағы спорттық даярлық кезеңдеріне қойылатын нормалар
| Ұйымның түрі | Даярлық кезеңі/жас | Топтардың толығуы (адам) | Бір аптадағы сағаттар саны | Бір жылдағы (52 апта) сағаттардың жалпы саны |
| Оқу-жаттығу процесі жүзеге асырылатын ұйымдар (спорт мектептері, интернаттар, барлық түрдегі спорт клубтары, спорт секциялары) | АДТ - 1 | 10 | 8 | 416 |
| АДТ - 2 | 8 | 10 | 520 |
| ОЖТ - 1 | 8 | 12 | 624 |
| ОЖТ - 2 | 8 | 14 | 728 |
| ОЖТ - 3 | 6 | 18 | 936 |
| ОЖТ 3 оқу жылынан астам | 6 | 20 | 1040 |
| СЖТ - 1 | 5 | 24 | 1248 |
| СЖТ - 2 | 4 | 26 | 1352 |
| СЖТ 2 оқу жылынан астам | 4 | 28 | 1456 |
