Осы редакция 2020 жылғы 21 наурызда енгізілген өзгерістеріне дейін қолданылды
ҚР Денсаулық сақтау және әлеуметтік даму министрінің 2015.14.01. № 10 бұйрығымен (бұр.ред.қара); ҚР Денсаулық сақтау министрінің 2018.15.06. № 374 бұйрығымен (бұр.ред.қара); 2019.19.04. № ҚР ДСМ-43 бұйрығымен (бұр.ред.қара) қағида жаңа редакцияда
Қазақстан Республикасы
Денсаулық сақтау министрінің
2009 жылғы 18 қарашадағы
№ 736 бұйрығына
2-қосымша
Медициналық бұйымдарға сараптама жүргізу қағидалары
(2019.19.04. берілген өзгерістер мен толықтырулармен)
1-тарау. Жалпы ережелер
1. Осы Медициналық бұйымдарға сараптама жүргізу қағидалары (бұдан әрі - Қағидалар) 2009 жылғы 18 қыркүйектегі «Халық денсаулығы және денсаулық сақтау жүйесі туралы» Қазақстан Республикасының Кодексінің 63-бабына сәйкес (бұдан әрі - Кодекс) әзірленді және медициналық бұйымдарға сараптама жүргізу тәртібін айқындайды.
2. Медициналық бұйымдарға Кодекстің 63-бабының 2-тармағына сәйкес дәрілік заттар мен медициналық бұйымдар айналысы саласындағы мемлекеттік сараптама ұйымы (бұдан әрі - мемлекеттік сараптама ұйымы) жүргізеді.
3. Сараптамаға Қазақстан Республикасында өндірілген, сондай-ақ оның аумағына әкелінетін медициналық бұйымдар жатады.
4. Сараптамаға өтініш бергенге дейін өтініш беруші өзінің бастамасы бойынша мемлекеттік сараптама ұйымында медициналық бұйымдарға сараптама жүргізумен байланысты мәселелер бойынша шартты негізде ғылыми және тіркеу алды консультациясын алады.
5. Қан қызметінде қолданылатын медициналық бұйымдарға сараптама жүргізу үшін мемлекеттік сараптама ұйымы қан қызметі саласында қызметті жүзеге асыратын бейінді ұйымдардан мамандарды тартады.
6. Осы Қағидаларда мынадай терминдер мен анықтамалар пайдаланылады:
