(БҰРЫНҒЫ РЕДАКЦИЯ) ҚР ҮКІМЕТІНІҢ 2013.16.03 № 251 ҚАУЛЫСЫ

Республикалық маңызы бар жалпы пайдаланымдағы автомобиль жолдарының құрамын өзгерту туралы
Қазақстан Республикасы Үкіметінің 2013 жылғы 16 наурыздағы № 251 Қаулысы

 Осы редакция 2015 жылғы 20 тамызда енгізілген өзгерістеріне дейін қолданылды

Қазақстан Республикасының Үкіметі ҚАУЛЫ ЕТЕДІ:

1. Мыналар республикалық меншіктен:

1) жалпы ұзақтығы 18,7 километр А-1 «Астана-Петропавл, Көкшетау қаласы арқылы» автомобиль жолының учаскесі Ақмола облысының;

2) жалпы ұзақтығы 18 километр Р-2 «Астана-Қорғалжын» автомобиль жолының Ақмол кентіне дейінгі учаскесі Астана қаласының коммуналдық меншігіне берілсін.

2. Қазақстан Республикасы Көлік және коммуникация министрлігі Қазақстан Республикасы Қаржы министрлігінің Мемлекеттік мүлік және жекешелендіру комитетімен және Астана қаласының, Ақмола облысының әкімдерімен бірлесіп, автомобиль жолдарының жоғарыда көрсетілген учаскелерін қабылдау-тапсыру жөніндегі қажетті ұйымдастырушылық іс-шараларды жүзеге асырсын.