Қазақстан Республикасы Энергетика министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Энергетика министрінің 2019 жылғы 18 қарашадағы № 377 бұйрығы
Осы редакция 2020 жылғы 10 сәуірде енгізілген өзгерістеріне дейін қолданылды
БҰЙЫРАМЫН:
1. Қазақстан Республикасы Энергетика министрінің кейбір бұйрықтарына мынадай өзгерістер мен толықтырулар еңгізілсін:
1) «Қазақстан Республикасы Энергетика министрлігінің көмірсутектер мен газ және газбен жабдықтау салаларындағы мемлекеттік көрсетілетін қызметтер стандарттарын бекіту туралы» Қазақстан Республикасы Энергетика министрінің 2015 жылғы 23 ақпандағы № 132 бұйрығында (Нормативтік құқықтық актілерді мемлекеттік тіркеу тізілімінде № 11279 болып тіркелді, 2015 жылғы 14 шілдеде «Әділет» ақпараттық-құқықтық жүйесінде жарияланды):
көрсетілген бұйрықпен бекітілген «Шикі газды алау етіп жағуға рұқсат беру» мемлекеттік көрсетілетін қызмет стандартында:
4-тармақ мынадай редакцияда жазылсын:
«4. Мемлекеттік қызметті көрсету мерзімі:
портал арқылы жүгінген сәттен бастап - 8 (сегіз) жұмыс күні.
Көрсетілетін қызметті беруші көрсетілетін қызметті алушының рұқсат беруге және (немесе) оған қосымша беруге құжаттарын алған сәттен бастап екі жұмыс күні ішінде ұсынылған құжаттардың толықтығын тексереді. Ұсынылған құжаттардың толық болмау фактісі анықталған жағдайда, көрсетілетін қызметті беруші көрсетілген мерзімде өтінішті одан әрі қараудан бас тарту туралы дәлелді жауап береді.»;
6-тармақ мынадай редакцияда жазылсын:
«6. Мемлекеттiк қызметті көрсету нәтижесi - шикі газды алау етіп жағуға рұқсат беру немесе мемлекеттік қызметті көрсетуден дәлелді бас тарту.»;
11-тармақ мынадай редакцияда жазылсын:
«11. Орталық мемлекеттік органның, көрсетілетін қызметті берушінің және (немесе) оның лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану: шағым көрсетілетін қызметті беруші басшысының атына: 010000, Нұр-Сұлтан қаласы, Қабанбай батыр даңғылы, 19-үй, «А» блогы, телефон: 8 (7172) 78-68-01 мекенжайы бойынша беріледі.
