«Бюджеттiк бағдарламалар әкiмшiлерi мен бюджеттi атқару жөнiндегi жергілікті уәкiлеттi органдардың шоғырландырылған қаржылық есептiлiктi жасау қағидаларын бекіту туралы» Қазақстан Республикасы Қаржы министрінің 2016 жылғы 6 желтоқсандағы № 640 бұйрығына өзгерістер енгізу туралы
Қазақстан Республикасы Қаржы министрінің 2017 жылғы 29 наурыздағы № 201 бұйрығы
ҚР Қаржы министрінің 2025 жылғы 28 мамырдағы № 261 бұйрығымен күшi жойылды
БҰЙЫРАМЫН:
1. «Бюджеттiк бағдарламалар әкiмшiлерi мен бюджеттi атқару жөнiндегi жергілікті уәкiлеттi органдардың шоғырландырылған қаржылық есептiлiктi жасау қағидаларын бекіту туралы Қазақстан Республикасы Қаржы Министрінің 2016 жылғы 6 желтоқсандағы № 640 бұйрығына (Нормативтік құқықтық кесімдерді мемлекеттік тіркеудің тізіліміне № 14624 болып тіркелген, Қазақстан Республикасының нормативтік құқықтық актілерінің эталондық бақылау банкінде электрондық түрде 2017 жылы 10 қаңтарда) мынадай өзгерістер енгізілсін:
көрсетілген бұйрықпен бекітілген Бюджеттiк бағдарламалар әкiмшiлерi мен бюджеттi атқару жөнiндегi жергілікті уәкiлеттi органдардың шоғырландырылған қаржылық есептiлiктi жасау қағидаларында:
9-тармақ мынадай редакцияда жазылсын:
«Республикалық бюджеттiк бағдарламалар әкiмшiлерi мен облыстың, республикалық маңызы бар қаланың, астананың бюджеттi атқару жөнiндегi жергілікті уәкiлеттi органдар үшiн шоғырландырылған қаржылық есептiлiктi ұсыну мерзімін бюджеттi атқару жөнiндегi орталық уәкiлеттi орган белгiлейдi.
Аудандардың (облыстық маңызы бар қаланың) бюджжетті атқару жөніндегі жергiлiктi уәкілетті органдар үшін шоғырландырылған қаржылық есептiлiктi ұсыну мерзімін облыстардың бюджеттi атқару жөнiндегi жергiлiктi уәкiлеттi органдары, жергiлiктi бюджеттiк бағдарламалар әкiмшiлерi үшiн - бюджеттi атқару жөнiндегi жергiлiктi уәкiлеттi органдар белгiлейдi.
