Ұжымдық қауiпсiздiк туралы шарт Ұйымының құқықтық мәртебесi туралы
КЕЛІСІМ
(Кишинев қ., 2002 ж. 7 қазан)
(2007.06.10. берілген өзгерістер мен толықтырулармен)
Осы редакция 2018 жылғы 8 қарашада енгізілген өзгерістеріне дейін қолданылды
2003 ж. 2 шілдедегі № 450-11 Қазақстан Республикасының Заңына сәйкес Келісім бекітілді
Ұжымдық қауіпсiздiк туралы Шартқа қатысушы мемлекеттер,
1992 жылғы 15 мамырдағы Ұжымдық қауiпсiздiк туралы Шарттың негiзiнде (бұдан әрi - Шарт),
халықаралық құқықтың жалпыға танылған принциптерiн басшылыққа ала отырып,
Ұжымдық қауiпсiздiк туралы Шарт Ұйымының (бұдан әрi - Ұйым) мақсаттары мен принциптерiн тиiмдi iске асыру үшiн қажеттi жағдайлармен қамтамасыз етуге ниет білдiре отырып,
төмендегілер туралы келiстi:
2007 ж. 6 қазандағы Хаттамамен 1-бап өзгертілді (бұр.ред.қара)
1-бап
Осы Келісімнің мақсаттары үшiн келтiрiлген төмендегi терминдер мынаны білдiредi:
«Тараптар» - осы Келісімге қатысушы мемлекеттер;
«мүше-мемлекеттер» - Ұйымға мүше-мемлекеттер;
«Кеңес» - Ұйым Жарғысының IV-тарауына сәйкес құрылған Ұжымдық қауiпсiздiк кеңесi;
«мекендеу мемлекетi» - Ұйым Хатшылығы орналасатын немесе iс-шара өткiзiлетiн аумақтағы мүше-мемлекет;
«Ұйым органдары» - Ұжымдық қауiпсiздiк кеңесi, Сыртқы iстер министрлерiнiң кеңесi, Қорғаныс министрлерiнiң кеңесi, Ұйымға мүше-мемлекеттер Қауiпсiздiк кеңесi хатшыларының комитетi;
«мүше-мемлекеттердің өкiлдерi» - Ұйым жанындағы мүше мемлекеттердің Өкілетті өкілдерін қоспағанда, Ұйым шеңберiнде өткiзiлетiн iс-шараларға қатысатын делегациялардың басшылары мен мүшелерiн қоса алғанда Ұйымға мүше-мемлекеттердiң өкiлдерi;
«Ұйым жанындағы Өкілетті өкіл» (бұдан әрі - Өкіл) - Ұйымға мүше мемлекеттің оның ұлттық заңнамасына сәйкес тағайындалатын, жіберетін мемлекеттің Ұйым мәселелері жөніндегі қызметі үшін және Ұйым Жарғысының IV тарауына сәйкес құрылған Тұрақты Кеңестің жұмысы үшін қажетті өкілеттік берілген өкіл;
