«Теңіз, Прорва, Морской кен орындары аумақтарында және Теңізге іргелес басқа да кен орындарда коронавирустық инфекция ауруларының алдын алу жөніндегі карантиндік шараларды күшейту туралы» Жылыой ауданының Бас мемлекеттік санитариялық дәрігерінің 2021 жылғы 29 шілдедегі № 55 қаулысына өзгерістер енгізу туралы
Жылыой ауданының Бас мемлекеттік санитариялық дәрігерінің 2021 жылғы 16 қыркүйектегі № 68 БМСДҚ Қаулысы
«Теңізшевройл» ЖШС объектілерінде, «Теңіз» Прорва, Морской және өзге де кен орындарының аумағындағы мердігер мекемелер объектілерінде коронавирустық инфекция бойынша эпидемиологиялық ахуалды тұрақтандыру мақсатында Қазақстан Республикасының 2020 жылғы 7 шілдедегі «Халық денсаулығы және денсаулық сақтау жүйесі туралы» Кодексінің 9, 36, 102, 104 және 107-баптарына, Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-293/2020 «Шектеу іс-шараларын, оның ішінде карантинді жүзеге асыру қағидалары мен пайда болу және таралу қаупі төнген кезде шектеу іс-шаралары, оның ішіндегі карантин енгізілетін инфекциялық аурулардың тізбесін бекіту туралы» бұйрығына, «Қазақстан Республикасының Бас мемлекеттік санитариялық дәрігерінің қаулысына өзгерістер мен толықтырулар енгізу туралы» Қазақстан Республикасының Бас мемлекеттік санитариялық дәрігерінің 2021 жылғы 14 шілдедегі № 32 қаулысына, «Атырау облысының халқы арасында коронавирустық инфекция ауруларының алдын алу жөніндегі карантиндік шараларды күшейту туралы» Атырау облысының Бас мемлекеттік санитариялық дәрігерінің 2021 жылғы 11 тамыздағы № 19 қаулыларына сәйкес, тұрғындар арасында коронавирустық инфекцияның тіркелуін ескере отырып ҚАУЛЫ ЕТЕМІН:
1. Жылыой ауданы Бас мемлекеттік санитариялық дәрігерінің 2021 жылғы 29 шілдедегі «Теңіз, Прорва, Морской кен орындары аумақтарында және Теңізге іргелес басқа да кен орындарда коронавирустық инфекция ауруларының алдын алу жөніндегі карантиндік шараларды күшейту туралы» № 55 қаулысына мынандай өзгерістер енгізілсін:
1) 1 тармақтың 7 тармақшасы алынып тасталсын:
«Мердігер мекемелер мен өзге де мекемелердің вахталық кенттерін санитариялық-эпидемиологиялық бейіндегі мамандармен толықтырсын»;
2) 2 тармақтың 6 тармақшасына мынадай өзгеріс енгізілсін және мынадай редакцияда мазмұндалсын:
COVID-19-ға қарсы вакцинацияның толық курсын алғанын растайтын құжаты бар жұмысшылар үшін спортзалдарға, тренажер залдарына, кинотеатрларға, бассейндерге, сауналарға, футбол алаңдарына, теннис корты және жабық үй-жайлардағы және ашық ауадағы спортпен айналысуға арналған басқа да алаңшаларға кіруге және жұмыс жасауға рұқсат етілсін.
2. Осы қаулының орындалуын бақылауды өзіме қалдырамын.
3. Осы қаулы қол қойылған күнінен бастап күшіне енеді.
| Жылыой ауданының Бас мемлекеттік санитариялық дәрігері | Т. Хабибуллин |
