Қазақстан Республикасы Бас Прокурорының әкімшілік-құқықтық статистика саласындағы кейбір бұйрықтарына өзгерістер мен толықтырулар енгізу туралы
Қазақстан Республикасы Бас Прокурорының 2015 жылғы 21 қазандағы № 126 бұйрығы
Осы редакция 2020 жылғы 24 желтоқсанда енгізілген өзгерістеріне дейін қолданылды
Есептілікті жетілдіру мақсатында, «Прокуратура туралы» 1995 жылғы 21 желтоқсандағы Қазақстан Республикасы Заңының 11-бабы 4-1) тармақшасын және «Мемлекеттік құқықтық статистика және арнайы есепке алу туралы» Қазақстан Республикасының 2003 жылғы 22 желтоқсандағы Заңы 15-бабының 2-тармағын басшылыққа ала отырып, БҰЙЫРАМЫН:
1. Қазақстан Республикасы Бас Прокурорының әкімшілік-құқықтық статистика саласындағы кейбір бұйрықтарына келесі өзгертулер мен толықтырулар енгізілсін:
1) «Уәкілетті органдармен әкімшілік құқық бұзушылықтар жөніндегі істерді қарау нәтижелері туралы» № 1-ӘІ нысанды есепті және оны құрастыру бойынша Нұсқаулықты бекіту туралы» Қазақстан Республикасы Бас Прокурорының 2014 жылғы 7 қазандағы № 109 бұйрығына (Нормативтік құқықтық актілерді мемлекеттік тіркеу тізілімінде № 9856 санымен тіркелген, «Әділет» ақпараттық-құқықтық жүйесінде 2014 жылғы 11 желтоқсанда жарияланған):
осы бұйрықпен бекітілген «Уәкілетті органдармен әкімшілік құқық бұзушылықтар жөніндегі істерді қарау нәтижелері туралы» № 1-ӘІ нысанды есепте:
15-тараудың атауы мынадай редакцияда жазылсын:
«15-тарау. Қазақстан Республикасы Ұлттық Банкі және оның аумақтық филиалдары бойынша»;
