Қазақстан Республикасы
Ұлттық экономика министрінің
міндетін атқарушының
2015 жылғы 24 ақпандағы
№ 122 бұйрығымен бекітілген
ҚР Денсаулық сақтау министрінің 2020 жылғы 10 желтоқсандағы № ҚР ДСМ-246/2020 бұйрығымен күші жойылды
«Темекі бұйымдарын тұтыну үшін арнайы бөлінген орындарды жабдықтауға қойылатын санитариялық-эпидемиологиялық талаптар»
санитариялық қағидалары
(2018.03.09. берілген өзгерістермен)
1. Осы «Темекі бұйымдарын тұтыну үшін арнайы бөлінген орындарды жабдықтауға қойылатын санитариялық-эпидемиологиялық талаптар» санитариялық қағидалары (бұдан әрі - Санитариялық қағидалар) Қазақстан Республикасының 2009 жылғы 18 қыркүйектегі «Халық денсаулығы және денсаулық сақтау жүйесі туралы» Кодексінің 159-бабының 7-тармағына сәйкес әзірленді.
ҚР Денсаулық сақтау министрінің м.а. 2018.03.09. № ҚР ДСМ-9 бұйрығымен 2-тармақ жаңа редакцияда (бұр.ред.қара)
2. Темекі бұйымдарын тұтыну үшін арнайы бөлінген орындарды түтінмен ластанған ауаның жапсарлас үй-жайларға немесе ашық алаңдарға (террасаларға) енуіне кедергі келтіретін есікпен немесе осыған ұқсас құрылғымен жабдықталған жеке үй-жайларда орналастырады.
Темекі бұйымдарын тұтыну үшін арнайы бөлінген орындар кабиналар түрінде орналастырылуы мүмкін.
3. Темекі бұйымдарын тұтыну үшін арнайы бөлінген орындардың сыртқы жағында «Темекі бұйымдарын тұтынуға арналған орын» деген жазба немесе белгі орналастырылады.
