«Денсаулық сақтау инфрақұрылымын дамытудың 2024 - 2030 жылдарға арналған тұжырымдамасын бекіту туралы» Қазақстан Республикасы Үкіметінің 2024 жылғы 12 маусымдағы № 454 қаулысына өзгерістер мен толықтырулар енгізу туралы
Қазақстан Республикасы Үкіметінің 2026 жылғы 6 сәуірдегі № 226 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Денсаулық сақтау инфрақұрылымын дамытудың 2024 - 2030 жылдарға арналған тұжырымдамасын бекіту туралы» Қазақстан Республикасы Үкіметінің 2024 жылғы 12 маусымдағы № 454 қаулысына мынадай өзгерістер мен толықтырулар енгізілсін:
кіріспе мынадай редакцияда жазылсын:
«Қазақстан Республикасы Үкіметінің 2017 жылғы 29 қарашадағы № 790 қаулысымен бекітілген Қазақстан Республикасындағы мемлекеттік жоспарлау жүйесінің 83-тармағына сәйкес Қазақстан Республикасының Үкіметі ҚАУЛЫ ЕТЕДІ:»;
2-тармақта 2) тармақша мынадай редакцияда жазылсын:
«2) есепті жылдан кейінгі жылдың 1 сәуірінен кешіктірмей Қазақстан Республикасының Денсаулық сақтау министрлігіне Тұжырымдаманың іске асырылу барысы туралы ақпарат беріп тұрсын.»;
көрсетілген қаулымен бекітілген Денсаулық сақтау инфрақұрылымын дамытудың 2024 - 2030 жылдарға арналған тұжырымдамасында:
«Денсаулық сақтау инфрақұрылымын дамытудың пайымы» деген 4-бөлім мынадай мазмұндағы оныншы, он бірінші, он екінші, он үшінші, он төртінші, он бесінші, он алтыншы және он жетінші бөліктермен толықтырылсын:
«Денсаулық сақтау саласына жеке инвестицияларды тартудың қосымша шаралары ретінде салалық құжаттарда бекітілген жобалық және экономикалық параметрлерге негізделген «жеке инвестициялар орнына тариф» қағидаты бойынша МЖӘ-нің жаңа форматын енгізу болуы мүмкін.
Мұндай формат денсаулық сақтау саласындағы жобалар үшін белгіленген базалық параметрлер сақталған кезде МЖӘ жобасын іске асыруды көздейтін болады:
МЖӘ жобасы (объектісі) ӨПЖ-ға енгізілген;
МЖӘ объектісіне арналған жер учаскесіне үшінші тұлғалардың ауыртпалықтары мен талаптары жоқ;
МЖӘ объектісі мен тиісті жер учаскесінің нысаналы мақсатының өзгермейтіндігіне ауыртпалық сала отырып, объект жекеше әріптестің меншігінде қалады;
