Iшкi iстер органдары қызметкерлерiнiң меншiгiне тұрғын үйлердi
өтеусiз беру туралы Қазақстан Республикасы Министрлер Кабинетінің
1992 ж. 21 қыркүйектегі № 779 Қаулысы
ҚР Үкіметінің 2006 жылғы 7 шілдедегі № 646 Қаулысымен күші жойылды
«Қазақстан Республикасының iшкi iстер органдары туралы» Қазақстан Республикасының Заңына сәйкес Қазақстан Республикасының Министрлер Кабинетi қаулы етедi:
Мемлекеттік және ведомстволық тұрғын үй қорының үйлерiндегi тұрақты тұрып жатқан тұрғын жайлары тiлектерiне қарай:
күнтiзбелiк есептеу бойынша 20 және одан да көп жыл қызметте болған iшкi iстер органдарының қызметкерлерiне және олардың жанұяларына;
жасына, сырқатына, штаттың қысқаруына немесе денсаулығының шектеулi жағдайына байланысты iшкi iстер органдарынан босатылған және күнтiзбелiк есептеу бойынша 20 және одан да көп жыл қызмет өтілі бар адамдарға және олардың жанұяларына өтеусiз берiлсiн.
Мұндай жағдайда азаматтардың бұл санаттарына және олардың жанұяларының мүшелерiне купондар берiлмейдi. Азаматтар купондар алғысы келген жағдайда тұрғын үйлердi жекешелендiру Қазақ КСР-iнде мемлекет меншiгiн жекешелендiрудiң купондық механизмi туралы Ережеге сәйкес жалпыға бiрдей тәртiппен жүзеге асырылады.
Iшкi iстер органдарындағы жұмыс өтілі «Қазақстан Республикасындағы iшкi iстер органдары туралы» Қазақстан Республикасының Заңы күшiне енген сәттен бастап анықталады.
Қазақстан Республикасының
Премьер-министрi
