Телефон станциясын пайдалануды реттеу туралы Қазақстан Республикасы
Премьер-Министрінің өкімі 1996 жылғы 26 шiлде № 356
Мемлекеттік қаражаттарды үнемдеу және Алматы қаласындағы үкiметтiк автоматты телефон станциясын (ҮАТС) пайдалануды реттеу мақсатында:
1. ҮАТС-на қосылуға басым құқығы бар абоненттердiң тiзбесi бекітілсiн /қоса берiлiп отыр/.
2. Қазақстан Республикасының Көлiк және коммуникациялар министрлігі:
көрсетiлген тiзбеге кiрмеген ҮАТС абоненттерiнiң телефондарын ажыратуды жүргiзсiн;
ҮАТС-на жаңа абоненттер қосу тек Қазақстан Республикасы Үкіметінiң Аппараты Басшысының келісімi бойынша жүргiзiледi.
3. Қазақстан Республикасының Үкіметі Аппаратының қызметкерлерiне алдын ала арнаулы журналда жазылатын оның келісімiн алып, тек Аппараттың құрылымдық бөлiмшесi басшысының қабылдау бөлмесiндегi телефоннан ғана қалааралық сөйлесуге рұқсат етiлсiн.
Премьер-Министр
Қазақстан Республикасы
Премьер-Министрінің
1996 жылғы 26 шiлдедегi
№ 356 өкімімен
бекітілген
Алматы қаласындағы үкiметтiк автоматты телефон станциясына
/ҮАТС/ қосылуға басым құқығы бар абоненттердiң
ТIЗБЕСI
Қазақстан Республикасының Премьер-Министрi
Қазақстан Республикасы Премьер-Министрінің орынбасарлары
Қазақстан Республикасының Үкіметі Аппаратының Басшысы
Қазақстан Республикасының министрлерi
Қазақстан Республикасы Мемлекеттік комитеттердiң төрағалары
Алматы қаласы мен Алматы облысының әкiмдерi
Қазақстан Республикасының Үкіметі Аппараты Басшысының орынбасарлары
Қазақстан Республикасының Үкіметі Аппаратының құрылымдық бөлiмшелерi
басшылары
Қазақстан Республикасы Үкіметінiң құрамына кiрмейтiн орталық
атқарушы органдардың басшылары
Қазақстан Республикасы министрлерiнiң орынбасарлары
Қазақстан Республикасының Мемлекеттік комитеттерi төрағаларының
орынбасарлары
Алматы қаласы мен Алматы облысының әкiмдерiнiң орынбасарлары
Премьер-Министрдiң және оның орынбасарларының көмекшiлерi мен
кеңесшiлерi
Қазақстан Республикасының Үкіметі Аппаратының құрылымдық бөлiмшелерi
басшыларының орынбасарлары
Қазақстан Республикасы Үкіметінiң құрамына кiрмейтiн орталық
атқарушы органдардың басшыларының орынбасарлары
Департаменттердiң, Агенттiктердiң, Комитеттердiң, Ұлттық акционерлік
компаниялардың басшылары
Энергетиканың, көлiктiң барлық түрлерiнiң, газбен, сумен, жылумен
жабдықтаудың тоқтаусыз жұмыс iстеуiн қамтамасыз етуге тiкелей байланысты
кәсiпорындар мен ұйымдардың бiрiншi басшылары, сондай-ақ Қазақстан
Республикасының Үкіметі тағайындайтын басқа да лауазымды тұлғалар.
ҮАТС-на "қызметтiк" санаты бойынша:
байланыс департаментiнiң директоры орынбасарларының
"Қазтелеком" ҮАК вице-президенттерiнiң
"Қазтелеком" ҮАК-ның басқарма құқығындағы бөлiмдерi бастықтарының
Республикалық почта байланысы мемлекеттік кәсiпорны бас директорының
Алматы қаласындағы телекоммуникациялар мен почта байланысы кәсiпорындары
басшыларының және басшылары орынбасарларының телефондары қосылады.
