Берешекті өтеу туралы Қазақстан Республикасы Премьер-Министрінің
өкімі 1996 жылғы 27 қараша № 536-ө
"1994 жылғы көктемгi дала жұмыстарына әзiрлiк және оны ұйымшылдықпен өткізу жөніндегі шұғыл шаралары туралы" Қазақстан Республикасы Министрлер Кабинетінің 1994 жылғы 9 наурыздағы № 252 қаулысына сәйкес Югославияның "Прогресс" фирмасымен республикаға 1994 жылы Қазақстан Республикасы Қаржы министрлігiнiң кепiлдiгiмен берген жүгерi тұқымы үшiн есеп айырысуды жүзеге асыру мақсатында:
1. Қазақстан Республикасы Ауыл шаруашылығы министрлігінiң, Қаржы министрлігінің және Ауыл шаруашылығы мемлекеттік қаржылық қолдау қоры Республикалық ведомствоаралық кеңесiнiң аталған фирмаға 105 (жүз бес) млн. теңге мөлшеріндегі берешегiнiң бiр бөлiгiн Ауыл шаруашылығын мемлекеттік қаржылық қолдау қоры қаражатының есебiнен қайтарымдық негiзде өтеу туралы ұсынысы қабылдансын.
2. Алматы облысының әкімі 1996 жылғы 1 желтоқсанға дейiнгi мерзiмде югославияның "Прогресс" фирмасына 40,3 млн. (қырық миллион үш жүз мың) теңге мөлшерiнде берешегiнiң бiр бөлiгiн өтеудi қамтамасыз етсiн, сондай-ақ қаражатты Ауыл шаруашылығын мемлекеттік қаржылық қолдау қорына 1997 жылы осы өкiмнiң 1-тармағына сәйкес қайтаруды ұйымдастырсын.
Премьер-Министрдiң
бiрiншi орынбасары
