Қазақстан Республикасының өндiрiстiк және әлеуметтiк кешенiн
1998/99 жылдың күзгi-қысқы кезеңiнде жұмыс iстеуге дайындау
туралы Қазақстан Республикасы Үкіметінiң Қаулысы 1998 жылғы
6 тамыздағы № 745
Қазақстан Республикасының өндiрiстiк және әлеуметтiк кешенiн 1998/99 жылдың алдағы күзгi-қысқы кезеңiнде жұмыс iстеуге уақытылы және сапалы дайындау мақсатында Қазақстан Республикасының Үкіметі қаулы етедi:
1. Орталық атқарушы органдар, облыстар мен Астана және Алматы қалаларының әкiмдерi, тиiстi ұйымдардың басшылары электрмен және газбен үздiксiз жабдықтау, энергия мен отынды тиiмдi пайдалану және өндiрiстiк және әлеуметтiк кешендi 1998/99 жылдың күзгi-қысқы кезеңiнде жұмыс iстеуге заңдарда белгiленген тәртiппен уақытылы дайындау мақсатында:
1) бiр ай мерзiм iшiнде үстiмiздегi жылдың 1 қарашасына дейiн электр станцияларын, жылу және электр тораптарын, жылыту және газбен жабдықтау жүйелерiн, сондай-ақ өнеркәсiптiк, ауыл шаруашылығы және коммуналдық тұрмыстық объектiлердi күзгi-қысқы жағдайда жұмыс iстеуге дайындау жөнiнде қаржылық және материалдық ресурстармен нығайтылған ұйымдастыру-техникалық шараларды әзiрлесiн және бекiтсiн;
2) энергиямен жабдықтаушы ұйымның келісімi бойынша өнеркәсiп орындарының энергиямен қамтымды жабдықтарын күзгi-қысқы кезеңге жөндеуге жоспарлы түрде енгiзудi қарастырсын;
3) жылыту және ыстық сумен жабдықтау мақсаттары үшiн пайдаланылатын электр қазандықтарды және басқа да электрмен жылыту қондырғыларын жылу аккумуляторларымен және оларды энергия бiрлестiгiнде ең жоғары жүктеме өтетiн сағаттарда ажырату автоматтарымен қамтамасыз етсiн;
4) энергияны тұтынушылардың энергиямен жабдықтаушы ұйымдарға пайдаланылған электр, жылу энергиясы және табиғи газ берешектерiн келісілген кесте бойынша өтеуiне шаралар қабылдасын және оған бақылау орнатсын. Тұтынушылардың келісілген кесте бойынша көрсетiлген мерзiмде берешектерiн төлеуi жөнiнде шаралар қабылдасын;
5) бiр апта мерзiм iшiнде әрбiр энергия көзi, кәсiпорын бойынша отын қорларының жинақталуының айлық кестелерiн әзiрлесiн және бекiтсiн және олардың орындалуына бақылауды ұйымдастырсын;
6) объектiлердi қысқы жағдайда жұмыс iстеуге уақтылы дайындауды үйлестiру және оны бақылау жөнiнде аумақтық және ведомстволық штабтар ұйымдастырсын.
2. Облыстардың, Астана және Алматы қалаларының әкiмдерi мыналарды қамтамасыз етсiн:
1) жылу көздерiн, жылу энергиясы мен газды тасымалдау және тұтыну жүйелерiн уақытылы дайындау, сондай-ақ алдағы жылу маусымында тұтынушыларды тұрақты түрде жылумен және газбен жабдықтау;
2) пәтер иелерi кооперативтерiнiң жылыту және газбен жабдықтау жүйелерiн алдағы күзгi-қысқы кезеңде жұмыс iстеуге дайындау бойынша жөндеу-профилактикалық шараларды жүргiзу жөніндегі жұмыстарын ұйымдастыру;
3) бюджеттен қаржыланатын ұйымдар мен тұрғын үйлердi жылу энергиясын, суық және ыстық суды, газды есептеу құралдарымен жарақтандыруды ұйымдастыру;
4) қажеттi запас жасай отырып, осы өнiм берушiлермен бүкiл жылыту кезеңiнде қатты және сұйық отын мен газ беру жөнiнде келісім-шарт жасасу;
5) үстiмiздегi жылдың III тоқсанының iшiнде Қазақстанның энергия өндiретiн ұйымдарымен және шетел энергия өндiрушiлерiмен, сондай-ақ "Энергия жүйелерiн басқару жөніндегі Қазақстан компаниясы" акционерлік қоғамымен облыстың тұтынушыларын электрмен жабдықтау үшiн облыстарға электр энергиясын жетпей тұрған мөлшерiнде беру жөнiнде қаржылық ресурстармен қамтамасыз етiлген шарттар жасасуды ұйымдастыру;
6) Қазақстан Республикасының Ауыл шаруашылығы министрлігімен бiрлесе отырып, үстiмiздегi жылдың қыркүйегiне дейiн ауыл шаруашылығы тауар өндiрушiлерiнiң 1996-1998 жылдары пайдаланылған электр энергиясы үшiн пайда болған берешектерiн өтеу;
7) алдағы күзгi-қысқы кезеңде жылумен үздiксiз жабдықтау мақсатында жылыту маусымы басталғанға дейiн коммуналдық және ауыл шаруашылығы жылыту қазандықтары мен жылумен қамтамасыз ету жүйелерiн жөндеу, сондай-ақ көрсетiлген қазандықтар мен халық үшiн отынды жеткiлiктi көлемде дайындау, ал Алматы қаласы және Алматы, Жамбыл, Оңтүстiк Қазақстан облыстары үшiн Полторацкое және Ақыртөбе газ қоймаларын газбен толтыру;
8) пайдаланылған отын мен энергия үшiн берешектi өтеуi және олардың алған отын-энергия ресурстарына уақытылы ақы төлеуi үшiн бюджеттік ұйымдарды қаржыландыру.
3. Қазақстан Республикасының өндiрiстiк және әлеуметтiк кешенiн күзгi-қысқы кезеңде жұмыс iстеуге дайындауды жедел ұйымдастыру және бақылау жөніндегі республикалық штаб құрылсын.
Республикалық штабқа басшылық жасау Қазақстан Республикасының Энергетика, индустрия және сауда министрi М.Қ.Әблязовқа жүктелсiн.
4. "Электр жүйелерiн басқару жөніндегі Қазақстан компаниясы" акционерлік қоғамына энергиямен жабдықтаушы ұйымдармен шарттар жасасудың негiзiнде Қазақстан энергетика жүйесiнiң тұрақты жұмыс iстеуi үшiн ең жоғары жүктеме сағаттарында қуат резервiн жасау мәселесiн қарау ұсынылсын.
5. Қазақстан Республикасының Мемэнергияқадағалауы энергия көздерiн, электр мен жылу энергиясын тасымалдау тораптарын 1998/99 жылғы күзгi-қысқы кезеңде жұмыс iстеуге дайындауға бақылау орнатсын және ай сайын Қазақстан Республикасының Энергетика, индустрия және сауда министрлігіне ақпарат ұсынатын болсын.
6. Қазақстан Республикасының Ауыл шаруашылығы министрлігі Энергетика, индустрия және сауда министрлігімен және басқа да мүдделi министрлiктермен бiрлесе отырып, 1998/99 жылдың күзгi-қысқы кезеңiнде Қапшағай су электр станциясы мен Ертіс су электр станциялары каскадының экономиканың барлық салалары мен экологиялық қауiпсiздiктiң талаптарына жауап беретiн пайдалану ережелерiне сәйкес жұмыс iстеуiн қамтамасыз етсiн.
7. Алматы, Шығыс Қазақстан, Қызылорда, Павлодар облыстарының әкiмдерi 1998 жылдың 1 қазанына дейiн Ертіс, Iле және Сырдария өзендерiнiң су жайылуы ықтимал аймақтарынан мал азығының запастарын әкетудi қамтамасыз етсiн.
8. Облыстар мен Астана және Алматы қалаларының әкiмдерi үстiмiздегi жылдың 1 тамызынан бастап айына екi рет Қазақстан Республикасының Энергетика, индустрия және сауда министрлігіне, кейiн Қазақстан Республикасының Үкіметіне хабарлау үшiн осы қаулының орындалу барысы туралы ақпарат беретiн болсын.
9. Осы қаулының орындалуына бақылау жасау Қазақстан Республикасының Энергетика, индустрия және сауда министрi М.Қ.Әблязовқа жүктелсiн.
Қазақстан Республикасының
Премьер-Министрi
