Америка Құрама Штаттарының Үкіметі мен Қазақстан Республикасы
Үкіметінің арасындағы жәрдем көрсетуді жеңілдету жөніндегі
ынтымақтастыққа қатысты келісімді қолданудың мәселелері Қазақстан
Республикасы Үкіметінің Қаулысы 1999 жылғы 7 қазан N
1535
1992 жылғы 20 мамырдағы Америка Құрама Штаттарының Үкіметі мен Қазақстан Республикасы Үкіметінiң арасындағы жәрдем көрсетудi жеңiлдету жөніндегі ынтымақтастыққа қатысты келісімнiң (бұдан әрi - Келісім) негiзiнде iске асырылатын "Жаңа Тәуелсiз Мемлекеттер үшiн Жаппай Қырып-жою Қаруларын Таратуды Болдырмау жөніндегі бастамалар" бағдарламасын (бұдан әрi - NIS-IPP бағдарламасы) одан әрi жүзеге асыру мақсатында, сондай-ақ Келісімнiң 4-бабын орындау үшiн Қазақстан Республикасының Үкіметі қаулы етеді:
Ескерту: 1, 2 тармақтар ҚР Үкіметінің 21.05.01 ж. № 668 қаулысымен алынып тасталды
3. Қазақстан Республикасының Ғылым және жоғары білім министрлiгі белгіленген тәртiппен Қазақстан Республикасының Үкіметіне:
Келісімге Қазақстан Республикасының азаматтары мен Қазақстан Республикасында тұрақты тұратын адамдардың Келісімнiң шеңберiнде алатын кiрiстерiн босату туралы толықтырулар енгізу туралы ұсыныс;
толықтыруларды ескере отырып, Келісімдi бекіту туралы Заңның жобасын енгiзсiн.
4. Осы қаулының орындалуын бақылау Қазақстан Республикасының Премьер-Министрінің орынбасары О.Ә.Жандосовқа жүктелсiн.
Ескерту: 4 тармақ ҚР Үкіметінің 21.05.01 ж. № 668 қаулысымен өзгерді
5. Осы қаулы қол қойылған күнінен бастап күшіне енедi.
Қазақстан Республикасының
Премьер-Министрінің
міндетін атқарушы
