«Қазақстан Республикасының мемлекеттік органдары жүйесiн одан
әрi реформалау туралы»
Қазақстан Республикасы Президентінің 1998 жылғы 12 қазандағы
№ 4114 Жарлығы
ҚР Президентінің 2006.09.01. № 1696 Жарлығымен күші жойылды
Қазақстанның Даму стратегиясының негiзгi қағидаларын жүзеге асыру мақсатында қаулы етемiн:
1. Қазақстан Республикасының Мемлекеттік кiрiс министрлігі (бұдан былай - Министрлiк) құрылсын.
2. Министрлiкке мынадай негiзгi мiндеттердi атқару жүктелсiн:
1) Қазақстан Республикасының фискальдық және кеден саясатын қалыптастыруға қатысу және осы саясатты iске асыру;
2) кеден iсiн ұйымдастыру және жетiлдiру;
3) өз құзыретi шегiнде Қазақстан Республикасының экономикалық қауiпсiздiгi мен мүдделерiн қамтамасыз ету;
4) бюджетке салықтардың, төлемдердiң түсуiн және мемлекет алдындағы басқа да қаржылық мiндеттемелердiң орындалуын қамтамасыз ету;
5) алкоголь өнiмдерiн өндiру мен оның айналымына мемлекеттік бақылау жасау;
6) мемлекетке зиян келтiруге әкеп соққан экономикалық қылмыстар мен құқық бұзушылыққа қарсы күрес;
7) экономикалық қылмысқа қарсы күрес саласындағы халықаралық ынтымақтастық.
3. Министрлiк Қазақстан Республикасының аймақтық салық және кеден органдарының қызметiне басшылық етедi деп белгiленсiн.
4. Мыналар:
Қазақстан Республикасының Қаржы министрлігі Салық комитетiнiң, Кеден комитетiнiң және Салық полициясы комитетiнiң функциялары және мүлкi мен iстерiне басшылық жасау жөніндегі өкiлеттiктерi жаңадан құрылған министрлiкке берiлу жолымен қайта құрылсын.
