Қазақстан Республикасында ғылымды мемлекеттік басқару жүйесiн жетiлдiру жөніндегі шаралар туралы
Қазақстан Республикасы Президентінің 1996 жылғы 11 наурыздағы № 2895 жарлығы
(2006.09.01 берілген өзгерістерімен )
Ғылымды мемлекеттік басқару жүйесiн жетiлдiру, елдi әлеуметтiк-экономикалық қайта құрудағы оның ролiн және ғалымдарды мемлекеттік қорғауды күшейту мақсатында қаулы етемiн:
1. Қазақстан Республикасы Ұлттық ғылым академиясының басшылығы мен Қазақстан Республикасы Үкіметінiң Қазақстан Республикасының Ұлттық ғылым академиясын, Қазақ ауыл шаруашылығы ғылымдары академиясы мен Ғылым және жаңа технологиялар министрлігін Қазақстан Республикасы Үкіметінiң құрамында Қазақстан Республикасы Ғылым министрлігі - Ғылым академиясы етiп орталық атқарушы органға бiрiктiру жөніндегі ұсынысы қабылдансын.
2. Қазақстан Республикасының Ғылым министрлігі - Ғылым академиясы:
ғылым мен техника саласында мемлекеттік ғылыми-техникалық саясатты жүзеге асыратын мемлекеттік басқарудың бiртұтас органы болып табылады;
мемлекеттік тәуелсiз ғылыми сараптаманы жүргiзе отырып, конкурстық негiзде iргелi және қолданбалы ғылыми-техникалық зерттеулердiң нысаналы бағдарламаларын қаржыландыруды жүзеге асырады;
оған Қазақстан Республикасы Премьер-Министрінің ұсынуы бойынша Қазақстан Республикасы Ұлттық ғылым академиясы мен Қазақ ауыл шаруашылығы ғылымдары академиясының осы Жарлық жарияланған сәттегi толық мүшелерiнiң көпшiлiгiнiң келісімiмен Республика Президентi тағайындайтын Ғылым министрi - Ғылым академиясының президентi басшылық етедi, ұсынылған кандидатура екi мәрте өтпей қалған жағдайда Қазақстан Республикасының Ғылым министрiн - Ғылым академиясының президентiн Қазақстан Республикасының Президентi тағайындайды, деп белгiленсiн.
3. Қазақстан Республикасының Ғылым министрлігі - Ғылым академиясы алқасының үштен бiрi аталған Ғылым академияларының осы Жарлық жарияланған сәттегi толық мүшелерiнiң iшiнен жасақталады деп белгiленсiн.
