Қазақстан Республикасы Үкіметінің 1998 жылғы 6 қазандағы № 1004 және 1999 жылғы 23 ақпандағы
№ 149 қаулыларына өзгеріс пен толықтыру енгізу туралы
Қазақстан Республикасы Үкіметінің 1999 жылғы 19 қарашадағы № 1753 Қаулысы
(2011.31.03. берілген өзгерістермен)
Қазақстан Республикасының Үкіметі қаулы етеді:
1. Қазақстан Республикасы Үкіметінің кейбір шешімдеріне мынадай өзгеріс пен толықтыру енгізілсін:
1) «Қазақстан Республикасының Ішкі істер министрлігі мен Қаржы министрлігі Кеден комитетінің жекелеген мәселелері туралы» Қазақстан Республикасы Үкіметінің 1998 жылғы 6 қазандағы № 1004 қаулысына (Қазақстан Республикасының ПҮАЖ-ы, 1998 ж., № 35, 320-құжат):
4-тармақ мынадай редакцияда жазылсын:
«4. Қазақстан Республикасының Қаржы министрлігі:
1999 жылдың аяғына дейін сметаларда 34 бақылау-өткізу пункттерінің, 78 модульдық үлгідегі құрастырмалы үйлердің құрылысын аяқтауға көзделген 300 млн. теңге сомасындағы қаражатты бөлуді қамтамасыз етсін, оның 90 млн. теңгесін Қазақстан Республикасының Мемлекеттік кіріс министрлігі Кеден комитетінің жаңадан бөлінген әкімшілік ғимаратын қайта жаңартуға және күрделі жөндеуге бағыттасын»;
2) ҚР Үкіметінің 2011 жылғы 31 наурыздағы № 335 Қаулысымен күші жойылды (бұр.ред.қара)
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
