Қазақстан Республикасы Үкіметінiң 1996 жылғы 30 мамырдағы № 665 «Тұрақты мекен-жайы, құжаттары жоқ адамдарға әлеуметтiк, медициналық және басқа да көмектер көрсету жөнiнде шаралар туралы» қаулысын орындауға бағытталған шаралар туралы
Қазақстан Республикасы Iшкi iстер министрлігі 1996 жылғы 12 тамыздағы № 262 бұйрығы
ҚР Ішкі істер министрлігінің 2011 жылғы 23 мамырдағы № 233 бұйрығымен күші жойылды
Тұрақты мекен-жайы, құжаттары жоқ адамдарға арналған қабылдау-бөлу орындарының қызметiн жақсарту және күшейту мақсатында бұйырамын:
1. Қазақстан Республикасы Үкіметінiң «Тұрақты мекен-жайы, құжаттары жоқ адамдарға әлеуметтiк, медициналық және басқа да көмектер көрсету жөнiнде шаралар туралы» 1996 жылғы 30 мамырдағы № 665 қаулысын басшылыққа алуға және орындауға жариялансын.
1.1. Тұрақты мекен-жайы және құжаттары жоқ адамдарға арналған қабылдау-бөлу орындарының типтiк штаттары бекітілсiн (№ 2 қосымша)*.
Ескерту: әрi қарай қабылдау орындары
1.2. Қабылдау-бөлу орындарының негiзгi мiндетi тұрақты мекен-жайы, құжаттары жоқ адамдарды табу үшiн және жекебасын анықтау үшiн оларды қабылдау-бөлу орнына қамау, анықтау, тергеу және сот органдарынан жалтарып жүрген, қылмыс жасаған, iздеуде жүрген, хабар-ошарсыз жүрген адамдарды салыстырып, анықтау және оларды тиiстi органдар мен мекемелерге тапсыру болып табылады.
1.3. Қабылдау-бөлу орындарында жедел-iздестiру жұмыстарын ұйымдастыру облыстың IIБ Әкiмшiлiк қызмет басқармасына, қабылдау-бөлу орындарының бастықтарына жүктелсiн.
2. Алматы қалалық IIББ, облыстық және көлiктегi IIБ, Қазақстан Республикасы Iшкi iстер министрлігінiң 8 басқармасымен оқу орындарының бастықтарына:
2.1. Қазақстан Республикасы Үкіметінiң 1996 жылғы 30 мамырдағы № 665 қаулысын орындау қамтамасыз етiлсiн.
