“Капиталының терiс мөлшерi бар банктердiң акцияларын мәжбүрлеп
сатып алу және сату тәртібі туралы ереже”
Қазақстан РеспубликасыныңҰлттық Банкі Басқармасының
1996 жылғы31 желтоқсандағы № 336 қаулысы
(ҚР Ұлттық Банкі Басқармасының 1997.31.12. № 485
қаулысымен енгізілген өзгерістерімен)
ҚР ҚҚА Басқармасының 2005.26.03. № 113 қаулысымен күші жойылды
Қазақстан Республикасы
Ұлттық Банкi Басқармасының
қаулысымен бекітілген
31.12.96 ж. № 336
Капиталының терiс мөлшерi бар банктердiң акцияларын мәжбүрлеп сатып алудың және кейiннен сатудың (сатып алу-сатудың) осы Ережеде көзделген негiздемелерi мен шарттарын Қазақстан Республикасының Ұлттық Банкi ерекше жағдайларда Қазақстан Республикасы Президентінің "Қазақстан Республикасындағы банктер және банк қызметi туралы" Заң күшi бар Жарлығының 48-бабының 1-тармағының "г") тармақшасында көзделген негiздемелер болған кезде Қазақстан Республикасының Үкіметімен келiсе отырып, осы банктердiң депозиторлары мен кредиторларының мүдделерiн қорғау және мемлекеттік банк жүйесiнiң тұрақтылығын қамтамасыз ету мақсатында қолдана алады.
Қазақстан Республикасының Ұлттық Банкi осы процедура шеңберiнде қабылдайтын шешiмдердiң мәнiнен туындайтын мәмiлелерге қатысушылар үшiн қосымша шектеулер мен талаптар белгiлейдi.
I. Жалпы ережелер
1. Осы Ереже капиталының терiс мөлшерi бар банктiң (бұдан әрi - "банк") акцияларын Қазақстан Республикасының Үкіметімен келiсе отырып, Қазақстан Республикасы Ұлттық Банкінің (бұдан әрi "Ұлттық Банк") сатып алу бағасы бойынша мәжбүрлеп сатып алу және кейiннен жаңа инвесторға (инвесторларға) сату тәртібін белгiлейдi, ал жаңа инвестор (инвесторлар) банктiң өз капиталын Ұлттық Банк (бұдан әрi "қайта капиталдандыру") белгiлеген талаптарға сәйкес жеткiлiктi деңгейге дейiн көтерiп, қолданылып жүрген банк заңдарының талаптарына сәйкес оның қалыпты жұмыс iстеуiн қамтамасыз етуге тиiс, сондай-ақ банктiң сатып алынатын акцияларына меншiк құқығын өзгерту негiздемесi мен шарттары болуы керек.
