«Қазақстан Республикасының ұлттық валютасын қолданудың кейбір мәселелері туралы» Қазақстан Республикасы Президентінің 2001 жылғы 7 ақпандағы № 549 Жарлығы (2017.01.04. берілген өзгерістер мен толықтырулармен)

Қазақстан Республикасының ұлттық валютасын қолданудың кейбір мәселелері туралы
Қазақстан Республикасы Президентінің 2001 жылғы 7 ақпандағы № 549 Жарлығы

(2017.01.04. берілген өзгерістер мен толықтырулармен)

«Қазақстан Республикасының Президенті туралы» Қазақстан Республикасының Конституциялық заңының 19-бабының 8) тармақшасына сәйкес ақша айналымында қолма-қол ақшамен төлемдер жасалған кезде ақша белгілерін - тиындарды іс жүзінде қолданудың тоқтатылғанын ескере отырып, қаулы етемін:

1. Қолма-қол ақша белгілері - тиындар (бұдан әрі - тиындар) ақша айналымынан алынсын.

ҚР Президентінің 2011.09.11. № 170 Жарлығымен 2-тармақ жаңа редакцияда (бұр.ред.қара)

2. Қолма-қол тиындарды ақша айналымынан алу 2012 жылғы 31 желтоқсанға дейін қоса алғанда жүзеге асырылады деп белгіленсін.