Жеңiлдiк беру мен өтемақылық төлемдердi реттеу жөніндегі шаралар
туралы Қазақстан Республикасы Президентінің Жарлығы 1994
жылғы 20 наурыз № 1612
ҚР Президентінің 2009 жылғы 18 маусымдағы № 829 Жарлығымен күші жойылды
Мемлекеттiң қаржы мүмкiндiктерiнiң шектеулiлiгiн ескере отырып және "Қазақстан Республикасының Президентi мен жергiлiктi әкiмдерге уақытша қосымша өкiлеттiк беру туралы" Қазақстан Республикасының 1993 жылғы 10 желтоқсандағы Заңына сәйкес қаулы етедi:
1. Қазақстан Республикасының мынадай заң актілерінiң күшi 1997 жылғы 1 сәуiрге дейiн тоқтатылсын:
1) "Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтiк жағынан қорғау туралы" Қазақстан Республикасының 1992 жылғы 18 желтоқсандағы Заңының (Қазақстан Республикасы Жоғарғы Кеңесiнiң Жаршысы, 1992 ж., № 23, 560-бап) - төтенше, ең жоғары, жоғары, ең төмен радиациялық қауiптi аймақтарда және жеңiлдiктi әлеуметтiк-экономикалық мәртебесi бар аумақта тұрған және тұратын азаматтарға бiр жолғы ақшалай өтемақылар төлеуге қатысты бөлiгi, сондай-ақ денсаулық сақтау мекемелерiн ұстауға арнап республикалық бюджеттен бөлiнетiн қаржыны 1,5 есе көбейтуге қатысты бөлiгi.
