Заң күші бар Қазақстан Республикасының кейбір заң актілеріне
өзгертулер мен толықтырулар енгізу туралы Қазақстан Республикасы
Президентінің 1995 жылғы 19 мамырдағы № 2283 Жарлығы
"Қазақстан Республикасының Президенті мен жергілікті әкімдерге уақытша қосымша өкілеттік беру туралы" 1993 жылғы 10 желтоқсандағы Қазақстан Республикасы Заңының 1-бабына сәйкес және Қазақстан Республикасының мемлекеттік шекарасын қорғау саласындағы мемлекеттік басқару органдарының қызметін ретке келтіру мақсатында қаулы етемін:
I. Қазақстан Республикасының заң актілеріне мынадай өзгертулер мен толықтырулар енгізілсін:
1. "Қазақстан Республикасының ұлттық қауіпсіздік органдары туралы" Қазақстан Республикасы Заңында (Қазақстан Республикасы Жоғары Кеңесінің Жаршысы, 1992 ж., № 11-12, 286-құжат; № 24, 591-құжат):
1-баптың бірінші бөлігіндегі "мемлекеттік шекарасын қорғайды" деген сөздер алып тасталсын;
6-баптың бірінші бөлігіндегі "және мемлекеттік шекараны қорғау" деген сөздер алып тасталсын;
8-бап "ішкі" деген сөзден кейін "және шекара" деген сөздермен толықтырылсын;
10-баптағы "шекара әскерлері және" деген сөздер алып тасталсын;
11-баптың бірінші бөлігіндегі "шекара әскерлеріне" деген сөздер алып тасталсын;
13-1-баптың күші жойылған деп танылсын;
13-2-бап 13-1-бап деп есептелсін;
14-баптың 7-тармағы мынадай редакцияда жазылсын:
"7. Шекара әскерлеріне Қазақстан Республикасының мемлекеттік шекарасын қорғауда көмек көрсетеді";
21-баптың бесінші абзацындағы "шекара әскерлері" деген сөздер алып тасталсын;
26-баптың тоғызыншы бөлігіндегі "және мемлекеттік шекараны қорғау" деген сөздер алып тасталсын;
28-баптың бірінші бөлігіндегі "шекара әскерлерін және" деген сөздер алып тасталсын.
