Зейнетақы төлеу жөніндегі мемлекеттік орталықтан зейнетақы төлемдерiн
есептеу үшiн қабылданатын кiрiстер түрлерiнiң тiзбесiн
бекіту туралы Қазақстан Республикасы Үкіметінiң
1998 жылғы 12 наурыздағы № 205 қаулысы
ҚР Үкіметінің 2005.09.02. № 124 қаулысымен күші жойылды
"Қазақстан Республикасында зейнетақымен қамсыздандыру туралы" Қазақстан Республикасы Үкіметінiң 1997 жылғы 20 маусымдағы Заңына сәйкес Қазақстан Республикасының Үкіметі қаулы етедi:
Зейнетақы төлеу жөніндегі мемлекеттік орталықтан зейнетақы төлемдерiн есептеу үшiн қабылданатын кiрiстер түрiнiң тiзбесi бекітілсiн (қоса берiлiп отыр).
Қазақстан Республикасының
Премьер-Министрi
Қазақстан Республикасы
Үкіметінiң
1998 жылғы 12 наурыздағы
№ 205 қаулысымен
бекітілген
Зейнетақы төлеу жөніндегі мемлекеттік
орталықтан зейнетақы төлемдерiн есептеу үшiн
қабылданатын кiрiстер түрлерiнiң
ТIЗБЕСI
Зейнетақы төлеу жөніндегі мемлекеттік орталықтан зейнетақы төлемдерiн есептеу үшiн қабылданатын кiрiстердiң түрлерiне Зейнетақы төлеу жөніндегі мемлекеттік орталықта мiндеттi зейнетақы жарналары есептелетiн кiрiстердiң барлық түрлерi:
жалақының барлық түрiн қоса есептегенде еңбекақы түрiнде алынатын кiрiстер, сондай-ақ жалақы қорына кiретiн, жұмыс iстелмеген уақыт үшiн заңдарға сәйкес қызметкерлерге есептелген ақша сомасын қоса алғанда, ақшадай және заттай нысанда есептелген (қаржыландыру көзiне қарамастан) түрлi сыйақылар, қосымша ақылар, үстеме ақылар және жекелеген әлеуметтiк жеңiлдiктер;
негiзгi қаражатты, олардың қондырғыларын алу жөніндегі шығындарды және "Салық және бюджетке төленетiн басқа да мiндеттi төлемдер туралы" Қазақстан Республикасы Президентінің Заң күшi бар Жарлығының 46-бабына сәйкес күрделi сипаттағы басқа да шығындарды, сондай-ақ мемлекеттік әлеуметтiк сақтандыру, жұмыспен қамтуға жәрдемдесу қорларына және жинақтаушы зейнетақы қорларына мiндеттi жарналар мен аударымдарды алып тастағандағы, заңды тұлға құрмастан кәсiпкерлiк және өзге де қызметпен айналысушы жеке адамдардың жиынтық кiрiсi;
патенттер бойынша заңды тұлға құрмастан кәсiпкерлiк және өзге де қызметпен айналысатын жеке адамдарға арналған патенттiң мөлшерi айқындалып, көзделiнiп алынатын кiрiс жатады.
