"Зейнетақы жарналарын тарту және зейнетақы төлемдерiн жүзеге
асыру жөніндегі қызметтi жүзеге асыруға лицензия алу үшiн лицензиатқа,
жинақтаушы зейнетақы қорларының құрылтайшыларына
және басшы қызметкерлерiне қойылатын біліктiлiк талаптары және
аталған талаптарды растайтын құжаттар туралы" Қазақстан
Республикасының Еңбек және халықты әлеуметтiк қорғау
министрлігі 1997 жылғы 3 желтоқсандағы № 31-п Бұйрық
ҚР Ұлттық Банкі Басқармасының 29.05.03 ж. № 176 қаулысымен осы бұйрықтың күші жойылды
"Жинақтаушы зейнетақы қорларының зейнетақы жарналарын тарту және зейнетақы төлемдерiн жүзеге асыру жөніндегі қызметiн лицензиялау туралы ереженi бекіту туралы" Қазақстан Республикасы Үкіметінiң 1997 жылғы 30 қыркүйектегi № 1396 қаулысының 17-4-тармағын жүзеге асыру мақсатында бұйырамын:
1. Зейнетақы жарналарын тарту және зейнетақы төлемдерiн жүзеге асыру жөніндегі қызметтi жүзеге асыруға лицензия алу үшiн жинақтаушы зейнетақы қорларына (бұдан әрi - Қорларға) жинақтаушы зейнетақы қорларының құрылтайшыларына және басшы қызметкерлеріне қойылатын біліктiлiк талаптарының мынадай тiзбесi бекітілсiн:
1) Қордың жарғылық капиталын 20.06.97 ж. "Қазақстан Республикасында зейнетақымен қамсыздандыру туралы" Қазақстан Республикасының Заңында белгiленген тәртiппен құрылтайшылар төлеуi тиiс;
2) Қордың қызметiн ұйымдастыруды реттейтiн iшкi құжаттар әзiрленуi тиiс;
3) Қор үй-жайдың, компьютердiң, Қордың қызметiн және Қазақстан Республикасы Еңбекәлеуметминiнiң Ұлттық зейнетақы агенттiгiмен (бұдан әрi - Агенттiк), кастодиан-банкпен, зейнетақы активтерiн басқару жөніндегі компаниямен, Зейнетақы төлеу жөніндегі мемлекеттік орталықпен өзара iс-қимылын қамтамасыз ететiн телекоммуникациялық жабдықтардың және бағдарламалық-техникалық құралдардың бар екендiгiн растауы тиiс;
4) Қордың басшы қызметкерлерi Агенттiк белгiлеген тәртiппен біліктiлiк емтиханын тапсыруы тиiс.
