Қазақстан Республикасында босқын мәртебесін анықтау тәртібі және
босқын деп тану туралы өтініш-хат білдірген адамдармен жұмыс
істеу жөнінде Қазақстан Республикасының Көші-қон
және демография жөніндегі Агенттігінің бұйрығымен бекітілген
1998 жылғы 27 мамырдағы № 22 нұсқаулығы
ҚР Еңбек және халықты әлеуметтік қорғау министрінің 2007 жылғы 20 қарашадағы № 273-ө бұйрығымен күші жойылды
Жалпы ережелер
1. Қазақстан Республикасы аумағында босқындықты тану Қазақстан Республикасының «Халықтың көші-қоны туралы» 1997 жылғы 13 желтоқсандағы № 204-1 заңына сәйкес бұдан әрі өкілетті органдар - облыстардағы көші-қон және демография басқармалары арқылы, Алматы және Астана, жергілікті өкілетті органдар қызметтері арқылы жүргізіледі.
2. Босқындар мәртебесін анықтау тәртібінде алғашқы ретте шетелдік азаматтық жазба арызы немесе Қазақстан Республикасының азаматы еместігі туралы өтініші негіз бола алады.
3. Босқындар мәртебесін анықтау тәртібінде ескерілетін жәйттер:
- өтініш беру, анкеталарды толтыру;
- өтініш иесімен кеңесу;
- арыз берушінің келтірген деректерінің сенімділігін тексеру;
- өтініш берген босқынды тану (мойындау) немесе қабылдамау туралы шешім шығару.
Қазақстан Республикасы аумағында босқындарды
тану жөнінде түсінік
4. Өкілетті органдардың жергілікті өкілдері арыз берушінің құқығы, міндетімен жазбаша мазмұндап таныстыруға міндетті. Бұдан өтініш беруші босқындарды тану тәртібі туралы қажетті түсініктерді алуы тиіс.
Босқындықты тану туралы өтініш білдірушінің өзін куәландыратын құжаттарды, отбасы мүшелері туралы анықтамасын қабылдау сәтінде өзімен бірге болуы керек.
5. Босқындықты тану туралы өтініш хат беруші алғашқы қабылдау сәтінен бастап, тиянақты, соңғы шешім шығарылғанға дейін Қазақстан Республикасы аумағында тұруға құқылы.
6. Арыз берушіні тізімге алу жергілікті өкілетті орындардың қызметкері тарапынан оның берген мәліметтері негізінде жүзеге асырылады.
