Мемлекеттік ғылыми ұйымдардың қызметкерлерін аттестациялау жөніндегі
Уақытша Ережені бекіту туралы Қазақстан Республикасы
Ғылым министрлігі - ғылым академиясы президентінің 1997 жылғы
19 желтоқсандағы № 241 бұйрығы
Қазақстан Республикасы Білім және ғылым министрінің 2002 ж. 27 желтоқсандағы № 911 бұйрығына сәйкес осы бұйрығының күші жойылды
Ғылыми ұйымдар қызметкерлерінің іскерлік қабілеті және адамгершілік қасиеттерін зерттеп білу негізінде олардың сапалық құрамын жақсарту жөніндегі жұмысты жүргізу мақсатымен БҰЙЫРАМЫН:
1. Мемлекеттік ұйымдардың қызметкерлерін аттестациялау жөніндегі қоса беріліп отырған Уақытша Ереже, ішкі ведомстволық келісімі бар (келісім қағазы қоса берілген), бекітілсін.
2. Қазақстан Республикасының Еңбек туралы Заңы қабылданып, күшіне енгеннен кейін осы Уақытша Ереже қайта өңделеді және соңғы редакциясы қайта бекітіледі деп белгіленсін.
3. Осы Уақытша Ереженің мәтіні "Наука Казахстана" газетінде жариялансын.
4. Осы бұйрықтың орындалуын бақылауды нормативтік-құқықтық қамтамасыздандыру және халықаралық ынтымақтастық жөніндегі департамент директоры А.О. Қосуновқа жүктелсін.
Министр-президент
ҚР Ғылым министрi-Ғылым
академиясы президентінің
19.12.1997 ж. № 241
бұйрығымен бекітілген
Мемлекеттік ғылыми ұйымдардың
қызметкерлерiн аттестациялау туралы
УАҚЫТША ЕРЕЖЕ
Осы Уақытша ереже Қазақстан Республикасы ғылыми мекемелерiнiң басшы қызметкерлерi мен мамандарын аттестациялауды өткiзудiң тәртібі және шарттарын белгiлейдi, және ол күшiн жойып немесе еңбек туралы Заң шығып жаңа Ереже қабылданғанға дейiн қолданыста болады.
1. Мемлекеттік ғылыми ұйымдардың басшы қызметкерлерi мен мамандарын (бұдан әрi қызметкерлерiн) аттестациялау оларды барынша тиiмдi пайдалану, кадрлардың құрамдық сапасын жақсарту, лауазымдық мiндеттерiнен туындайтын нақты талаптарға сүйене отырып, олардың қызметiн әдiл бағалаудың арқасында еңбек тиiмдiлiгi мен iскерлiк қабiлетiн арттыру мақсатымен жүргiзiледi.
