Қазақстан Республикасы
Бағалы қағаздар жөніндегі ұлттық
комиссиясының 1998 жылғы 13 тамыздағы
№ 11 қаулысымен бекітілген
Зейнетақы активтерін басқару жөніндегі компаниялардың
инвестициялық қызметті жүзеге асыру Қағидалары
(ҚР Бағалы қағаздар жөніндегі ұлттық комиссиясының 14.12.98 ж.;
17.05.99 ж. № 32; 11.06.99 ж. № 34; 24.06.99 ж. № 36; 08.07.99
ж. № 38; 12.01.00 ж. № 57; 30.09.00 ж. № 81; 15.11.00 ж. № 91;
20.04.01 ж. № 107; ҚР Ұлттық Банкі басқармасының 08.10.01 ж.
№ 338; 05.04.02 ж. № 121; 13.05.02 ж. № 176;
24.08.02 ж. № 320 қаулыларымен енгізілген өзгерістерімен)
ҚР Ұлттық Банкі Басқармасының 2003 жылғы 29 шілдедегі № 264 қаулысымен осы қаулының күші жойылды
ҚР Ұлттық Банкі басқармасының 13.05.02 ж. № 176 қаулысымен қағиданың барлық мәтіні бойынша түрлі септіктердегі "Ұлттық комиссия", "Ұлттық комиссияның Директораты" деген сөздер тиісті септіктегі "уәкілетті орган" деген сөздермен ауыстырылды
Осы Қағидалар "Қазақстан Республикасындағы зейнетақымен қамсыздандыру туралы" Қазақстан Республикасының 1997 жылғы 20 маусымдағы Заңына, "Бағалы қағаздар рыногы туралы" Қазақстан Республикасының 1997 жылғы 5 наурыздағы Заңына сәйкес әзірленді және зейнетақы активтерін басқару жөніндегі компаниялардың (бұдан әрі - "Компаниялар" деп аталады) инвестициялық қызметті жүзеге асыру тәртібін белгілейді.
1-тарау. Инвестиция объектілері және мәмілелер жасасу
орындары
ҚР Ұлттық Банкі басқармасының 13.05.02 ж. № 176 қаулыcымен 1-тармақ өзгертілді
1. Зейнетақы активтерін инвестициялық басқару жөніндегі қызметті жүзеге асыруға бағалы қағаздар рыногындағы қатынастарды реттеу жөніндегі уәкілетті орган (бұдан әрі - уәкілетті орган) берген лицензия бар болған кезде, Компания мемлекеттік емес зейнетақы жинақтау қорларымен (бұдан әрі "Қорлар" деп аталады) қолданылып жүрген заңдарға сәйкес зейнетақы активтерін инвестициялық басқару жөнінде келісімдер жасауға құқылы.
