"Жасы он сегізге толмаған адамдардың еңбегін қолдануға тыйым салынатын
еңбек жағдайлары ауыр, зиянды және қауіпті өндірістердің, кәсіптер мен
жұмыстардың тізімін" бекіту туралы Қазақстан Республикасы Еңбек және
халықты әлеуметтік қорғау министрлігі 2000 жылғы 11 наурыздағы № 71-ө
бұйрығы
ҚР Еңбек және халықты әлеуметтік қорғау министрлігінің 2005 жылғы 15 ақпандағы № 45-ө бұйрығына сәйкес күші жойылды
"Қазақстан Республикасындағы еңбек туралы" Қазақстан Республикасы Заңының 11-бабының 5-тармағына, "Қазақстан Республикасының экономика саласындағы еңбек жағдайлары мен еңбек қорғауды жақсарту жөніндегі 1997-2000 жылдарға арналған басты бағыттары туралы" Қазақстан Республикасы Үкіметінің 1997 жылғы 21 қаңтардағы № 89 қаулысына және Қазақстан Республикасы Үкіметінiң 1999 жылғы 9 сәуірдегі № 394 қаулысымен бекітілген Қазақстан Республикасының Еңбек және халықты әлеуметтiк қорғау министрлігі туралы ережеге сәйкес,
БҰЙЫРАМЫН:
1. Қоса берiлiп отырған Қазақстан Республикасының Денсаулық сақтау iсi жөніндегі агенттігiмен келісілген "Жасы он сегізге толмаған адамдардың еңбегiн қолдануға тыйым салынатын еңбек жағдайлары ауыр, зиянды және қауiптi өндiрiстердiң, кәсіптер мен жұмыстардың тiзiмi" бекітілсiн және Қазақстан Республикасының Әдiлет министрлігінде тiркелген күнiнен бастап күшiне енгізілсiн.
2. Тiзiмде көзделген еңбек жағдайлары ауыр, зиянды және қауіптi өндiрiстерде, кәсiптер мен жұмыстарда жасы он сегiзге толмаған адамдардың еңбегiн қолдануға экономика саласының осындай өндiрiстер, кәсіптер мен жұмыстар бар ұйымдарына қарамастан тыйым салынатыны белгіленсін.
3. Облыстардың, Астана және Алматы қалаларының Еңбек, жұмыспен қамту және халықты әлеуметтiк қорғау басқармаларының (департаменттердің) басшылары осы Бұйрықты ұйымдарға жеткізудi және оның жер-жерлерде орындалуын бақылауды ұйымдастырсын.
