ҚР энергетика, индустрия және
сауда министрлігінің 1999 жылғы
6 қыркүйектегі № 259 бұйрығымен
бекітілді
ҚР Үкіметінің 2005 жылғы 9 ақпандағы № 124 Қаулысымен қолданылуы жойылды
Өнеркәсiп саласындағы қызмет түрлерiне арналған
лицензиялар берудiң тәртібі мен шарттары
1. Қызмет түрлерiне арналған лицензиялар берудің тәртібі мен шарттары туралы осы Ережелер (бұдан әрi - Ережелер) Қазақстан Республикасы Президентінің "Лицензиялау туралы" 1995 жылғы 17 сәуірдегі № 2200 Заң күшi бар Жарлығына, "Қазақстан Республикасы Президентінің 1999 жылғы 17 сәуірдегі № 2201 қаулысын iске асыру туралы" Қазақстан Республикасы Үкіметінің 1995 жылғы 29 желтоқсандағы № 1894 қаулысына, Қазақстан Республикасының "Қазақстан Республикасының кейбір заң актілеріне өзгерістер мен толықтырулар енгізу туралы" 1998 жылғы 10 шiлдедегi № 283 заңына, "Қазақстан Республикасы Президентінің "Лицензиялау туралы" заң күшi бар Жарлығын iске асыру жөніндегі қосымша шаралар туралы" Қазақстан Республикасы Үкiметінің 1997 жылғы 9 қаңтардағы № 25 қаулысына, "Өнеркәсiп саласындағы қызметтің лицензияланатын түрлерiне қойылатын біліктiлiк талаптарын бекіту туралы" Қазақстан Республикасы Үкiметінің 1999 жылғы 10 мамырдағы № 556 қаулысына сәйкес әзiрленген.
Осы Ережелер Қазақстан Республикасы Энергетика, индустрия және сауда министрлігінің Құрылыс iстерi жөніндегі комитетi мен Стандарттау, метрология және сертификаттау жөніндегі комитетiнің құзыретiне жатқызылған қызмет түрлерiн қоспағанда Қазақстан Республикасының Энергетика, индустрия және сауда министрлiгінің құзыретiне жатқызылған қызмет түрлерiне лицензиялар берудің тәртібі мен шарттарын айқындайды.
2. Лицензиялаудың субъектiлерi
2. Лицензиялау жүйесiнің субъектiлерi мыналар болып табылады:
1) Қазақстан Республикасының Энергетика, индустрия және сауда министрлігі (бұдан әрi - Лицензиар);
