Қазақстан Республикасының жекелеген мемлекеттік органдарын
қайта ұйымдастыру, тарату және құру туралы Қазақстан Республикасы
Президентінің 2000 ж. 13 желтоқсандағы № 507 Жарлығы (ҚР Президентінің
20.02.02 ж. № 811 Жарлығымен енгізілген өзгерістермен)
Қазақстан Республикасының Конституциясы 44-бабының 3) тармақшасына, "Қазақстан Республикасының Үкіметі туралы" Қазақстан Республикасының Конституциялық заңы 22-бабының 2-тармағына сәйкес қаулы етемін:
1. Мыналар:
1) Қазақстан Республикасының Экономика министрлігі Қазақстан Республикасының Экономика және сауда министрлігі болып;
2) Қазақстан Республикасының Энергетика, индустрия және сауда министрлігі, индустрия және сауда саласындағы өкілеттіктері Қазақстан Республикасының Экономика және сауда министрлігіне беріліп, Қазақстан Республикасының Энергетика және минералдық ресурстар министрлігі болып;
3) Қазақстан Республикасының Табиғи ресурстар және қоршаған ортаны қорғау министрлігі, геология және жер қойнауын қорғау саласындағы функциялары мен өкілеттіктері Қазақстан Республикасының Энергетика және минералдық ресурстар министрлігіне беріліп, қайта ұйымдастырылсын.
2. Мыналар:
1) Қазақстан Республикасының Инвестициялар жөніндегі агенттігі, функциялары мен өкілеттіктері Қазақстан Республикасының Сыртқы істер министрлігіне, ал жер қойнауын пайдалану саласындағы функциялары мен өкілеттіктері Қазақстан Республикасының Энергетика және минералдық ресурстар министрлігіне беріліп, таратылсын;
2) Қазақстан Республикасының Мемлекеттік сатып алу жөніндегі агенттігі, функциялары мен өкілеттіктері Қазақстан Республикасының Қаржы министрлігіне беріле отырып;
3) Қазақстан Республикасының Нашақорлыққа және есірткі бизнесіне қарсы күрес жөніндегі агенттігі, функциялары мен өкілеттіктері Қазақстан Республикасының Әділет министрлігіне беріліп, таратылсын.
ҚР Президентінің 20.02.02 ж. № 811 Жарлығымен 3-тармақ өзгертілді
3. Қазақстан Республикасының Үкіметі:
1) мыналарды:
Мемлекеттік материалдық резервтер жөніндегі агенттікті;
