Қазақстан Республикасы әдiлет органдарының Әкiмшiлiк құқық бұзушылық
туралы iстердің өндiрiсi жөніндегі нұсқаулықты бекіту
туралы Әділет министрінің 2001 жылғы 21 мамырдағы № 54 бұйрығы
ҚР Әділет министрінің 2002 жылғы 10 маусымдағы № 87 бұйрығымен осы бұйрықтың күші жойылды
"Әкімшілік құқық бұзушылық туралы" Қазақстан Республикасы Кодексінің күшіне енгізілуіне байланысты бұйырамын:
1. Қоса беріліп отырған Қазақстан Республикасы әділет органдарының Әкімшілік құқық бұзушылық туралы істердің өндірісі жөніндегі нұсқаулық бекітілсін.
2. Осы Бұйрық оның мемлекеттік тіркеуден өткен күнінен бастап күшіне енеді.
Министр
Қазақстан Республикасы
Әділет министрінің
2001 жылғы 21 мамырда
№ 54 бұйрығымен
бекітілген
Қазақстан Республикасы әдiлет органдарының
Әкiмшiлiк құқық бұзушылық туралы iстер
өндiрiсi жөніндегі нұсқаулық
1. Жалпы ережелер
1. Әдiлет органдарының әкiмшiлiк құқық бұзушылық туралы iстер
жөніндегі мiндетi әкiмшiлiк құқық бұзушылықтың алдын алу және жолын кесу,
оларды жасауға ықпал ететін себептер мен шарттарды айқындау болып табылады.
2. Әкiмшiлiк құқық бұзушылық туралы iстер өндiрiсi жөніндегі нұсқаулық (бұдан әрi - Нұсқаулық) әдiлет органдарының әкiмшiлiк құқық бұзушылық туралы iстердi айқындау және қарау жөніндегі қызметiн, әкiмшілiк құқық бұзушылық туралы iстер өндiрiсiн ұйымдастыруды, оларды қарау, орындау, шағымдау мерзiмдерiн, сондай-ақ іс жүргiзудi ұйымдастыру және қабылданған шешімнің негiздiлiгiн бақылауды регламенттейді.
