Келісілді | Қазақстан Республикасы |
Қазақстан Республикасының | Мемлекеттік кіріс министрлігі |
Мемлекеттік кіріс министрі | Кеден комитетінің |
2001 жылғы 15 ақпандағы
бекітілді
ҚР Кедендік бақылау агенттігінің 2003 жылғы 11 маусымдағы № 288 бұйрығымен күші жойылды
Кеден мөрлерi және пломбылары бар тауарларды
тасымалдау үшiн көлiк құралдарын (контейнерлердi)
жабдықтау және жiберу тәртібі жөніндегі
нұсқаулық
1. Жалпы ережелер
1. Кеден мөрлерi және пломбылары бар тауарларды тасымалдау үшiн көлiк құралдарын (контейнерлердi) жабдықтау және жiберу тәртібі жөніндегі осы нұсқаулық (бұдан әрi - Нұсқаулық) 1975 жылғы ХЖТ кiтапшасын пайдалана отырып жүктердi халықаралық тасымалдау жөніндегі кеден тұжырымдамасына (бұдан әрi - ХЖТ) сәйкес әзiрлендi және кеден мөрлерi мен пломбылары бар тауарларды тасымалдау үшiн көлiк құралдарын (контейнерлердi) жабдықтау және жiберу шарттарын айқындайды.
2. Осы Нұсқаулықта мынадай мәндегi ұғымдар пайдаланылады:
көлiк құралдары - тауарларды тасымалдауға пайдаланылатын кез-келген құралдар, соның iшiнде:
теңiз және өзен кемелерi (баржалар, лихтерлер және басқа да жүзетiн құралдарды қоса алғанда);
әуе кемелерi (ұшақ, тiкұшақ және басқа да ұшатын аппараттарды қоса алғанда);
жол көлiк құралдары (тiркемелер және жартылай тiркемелердi қоса алғанда);
темір жол жылжымалы құрамы (вагондар, цистерналар);
контейнерлер - (клетка, түсiргiш цистерна немесе басқа да ұқсас бейiмдеу);
оларға тауарлардың орналастыруға арналған толық немесе iшiнара жабық ыдыс сияқты;
өзгертiлген сипаты бар және осыған қарай бiрнеше рет пайдалану үшiн қызмет ете ала алатын берiк;
тауарлармен жүк операциясын, көбiнесе тауарларды бiр көлiктен екiншi көлiкке тиеудi жеңiлдету үшiн, тауарларды бiр немесе бiрнеше көлiк түрлерiмен аралықсыз тасымалдауды жеңілдету үшiн арнайы жобаланған;
оны жеңiл тиеуге және түсiруге мүмкiн болатын түрде жобаланған;
бiр куб метрден аз емес iшкi көлемi бар көлiк құралдары.
