"Ақылы қызмет көрсетуді іске асырудан, демеушілік және қайырымдылық көмек
көрсетуден алынатын қаражаттарды, сақтандыру төлемдерін қалыптастыру,
пайдалану және есепке алу тәртібі туралы қағиданы бекіту туралы"
Қазақстан Республикасы Қаржы министрлігінің 1999 жылғы 3 мамырдағы № 177
бұйрығына өзгерістер мен толықтырулар енгізу туралы Қазақстан
Республикасының Қаржы министрлігінің 2002 жылғы 5 қазандағы № 478 бұйрығы
ҚР Қаржы министрінің 2005 жылғы 12 наурыздағы № 78 Бұйрығымен күші жойылды
Бұйырамын:
1. "Ақылы қызмет көрсетуді іске асырудан, демеушілік және қайырымдылық көмек көрсетуден алынатын қаражаттарды, сақтандыру төлемдерін қалыптастыру, пайдалану және есепке алу тәртібі туралы қағиданы бекіту туралы" Қазақстан Республикасы Қаржы министрлігінің 1999 жылғы 3 мамырдағы № 177 бұйрығына мынадай өзгерістер мен толықтырулар енгізілсін:
көрсетілген бұйрықпен бекітілген Ақылы қызмет көрсетуді іске асырудан, демеушілік және қайырымдылық көмек көрсетуден алынатын қаражаттарды, сақтандыру төлемдерін қалыптастыру, пайдалану және есепке алу тәртібі туралы қағидада:
көрсетілген Қағидаға № 1 "Мемлекеттік бюджет қаражаты есебінен ұсталатын мемлекеттік мекемелердің ақылы қызмет көрсетулерінің тізбесі" қосымшасында:
"Білім берудің мемлекеттік мекемелерімен ұсынылатын қызметтер" бөлімінде:
1) "Ақылы қызметтер коды 35 "Бастауыш кәсіби білімі бар мамандарды қайта даярлау жөніндегі қызметтер", 36 "Жоғары кәсіби білімі бар мамандарды даярлау жөніндегі қызметтер" және 37 "Мәдениет және өнер саласындағы жоғары оқу орындары мен колледждер оқытушыларының біліктілігін арттыру жөніндегі қызметтер" деген жолдармен толықтырылсын;
2) 8 және 9-бағандардағы барлық мәтін бойынша "оқушыларды" және "оқушыларының" деген сөздер тиісінше "білім алатындарды" және "білім алушыларының" деген сөздермен ауыстырылсын.
2. Осы бұйрық Қазақстан Республикасының Әділет министрлігінде мемлекеттік тіркелген күнінен бастап қолданысқа енгізіледі.
Министрдің міндетін
атқарушы
