ҚР Ауыл шаруашылығы министрінің 2013 жылғы 22 шілдедегі № 16-07/333 бұйрығымен күші жойылды
ҚР Ауыл шаруашылығы министрінің
2002 жылғы 15 қарашадағы № 372 бұйрығымен
бекітілді
Нұсқауларды ветеринариялық инспекторлардың жасау және беру
Ережесi
1. Жалпы ереже
1. Ветеринариялық инспекторлардың нұсқауларды жасаудың және берудiң осы Ережесi (әрi қарай - Ереже), 2002 жылғы 10 шiлдедегi Қазақстан Республикасының "Ветеринария туралы" Заңының 18 бабының, 1 тармағына байланысты жасалынды және Қазақстан Республикасы аумағында мемлекеттік ветеринариялық қадағалау жүргiзетiн мемлекеттік ветеринариялық инспекторлардың орындаулары мiндетті, сондай-ақ жануарлар, жануарлардан алынатын өнiмдер мен шикiзатты, ветеринариялық препараттарды, жемшөптер мен жемшөп қоспаларын өндiру, дайындау (сою), сақтау, өңдеу және өткiзумен айналысатын жеке және заңды тұлғаларғада.
2. Осы Ережеде қолданылған негiзгi ұғымдар
2. Осы Ережеде мынандай негiзгi ұғымдар қолданылады:
1) ветеринариялық (ветеринариялық-санитариялық) ережелер - ветеринария саласындағы уәкiлеттi мемлекеттік орган бекiткен, ветеринария саласындағы қызметтi жүзеге асыратын жеке және заңды тұлғалар орындау үшін мiндеттi болып табылатын ветеринариялық нормативтер негiзiнде ветеринариялық iс-шараларды жүргiзу тәртібін айқындайтын нормативтiк құқықтық акті.
2) Ветеринариялық-санитариялық қауiпсiздiк - мемлекеттік ветеринариялық қадағалау объектiлерiнiң олар пайдаланылатын дағдылы (белгiленген) жағдайларда жануарлардың және адамның денсаулығына қауіп төндірмейтін күйі.
