Қазақстан Республикасының Әділет министрлігінде № 1973 тіркелген Қазақстан Республикасының Ұлттық Банкі Басқармасының «Қазақстан Республикасының екінші деңгейдегі банктеріндегі бухгалтерлік есептің үлгі есепшот жоспарын бекіту туралы» 2002 жылғы 30 шілдедегі № 275 қаулысына өзгерістер мен толықтырулар енгізу туралы
Қазақстан Республикасының Ұлттық Банкі Басқармасының 2003 жылғы 1 қыркүйектегі № 326 қаулысы
ҚР Ұлттық Банкі Басқармасының 2011 жылғы 31 қаңтардағы № 3 Қаулысымен күші жойылды
Екінші деңгейдегі банктердегі, кредиттік серіктестіктердегі және ипотекалық компаниялардағы бухгалтерлік есепті жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Қазақстан Республикасының Ұлттық Банкі Басқармасының «Қазақстан Республикасының екінші деңгейдегі банктеріндегі бухгалтерлік есептің үлгі есепшот жоспарын бекіту туралы» 2002 жылғы 30 шілдедегі № 275 қаулысына (Қазақстан Республикасының нормативтік құқықтық актілерін мемлекеттік тіркеу тізілімінде № 1973 тіркелген, Қазақстан Республикасы Ұлттық Банкінің «Қазақстан Ұлттық Банкінің Хабаршысы» және «Вестник Национального Банка Казахстана» басылымдарында 2002 жылғы 9-22 қыркүйекте жарияланған) мынадай өзгерістер мен толықтырулар енгізілсін:
атауы мемлекеттік тілдегі мәтінде былайша жазылсын: «Екінші деңгейдегі банктердегі, кредиттік серіктестіктердегі және ипотекалық компаниялардағы бухгалтерлік есептің үлгі шот жоспарын бекіту туралы»;
кіріспесі «Екінші деңгейдегі банктердің» деген сөздерден кейін «кредиттік серіктестіктердің және ипотекалық компаниялардың» деген сөздермен толықтырылсын;
көрсетілген қаулымен бекітілген Қазақстан Республикасының екінші деңгейдегі банктеріндегі бухгалтерлік есептің үлгі есепшот жоспарында:
атауы мемлекеттік тілдегі мәтінде мынадай редакцияда жазылсын: «Екінші деңгейдегі банктердегі, кредиттік серіктестіктердегі және ипотекалық компаниялардағы бухгалтерлік есептің үлгі шот жоспары»;
1-тарауда:
1-тармақта:
«Қазақстан Республикасының екінші деңгейдегі банктеріндегі» деген сөздер «Екінші деңгейдегі банктердегі, кредиттік серіктестіктердегі және ипотекалық компаниялардағы» деген сөздермен ауыстырылсын;
