Қазақстан Республикасы Әділет министрлігінде 1143 тіркелген Қазақстан
Республикасы Білім және ғылым министрi міндетін атқарушының "Кәсiптiк
бастауыш және орта оқу орындары оқушыларының ауысуы, оқуын қалпына
келтіру тәртібі жөніндегі ережені бекіту туралы" 2000 жылғы 25 сәуірдегі
391 бұйрығына өзгерістер мен толықтырулар енгізу туралы Қазақстан
Республикасы Білім және ғылым министрлігінің 2003 ж.
13 желтоқсандағы № 827 қаулысы
Оқушылардың құқықтары мен мүмкіндіктерін одан әрі кеңейту мақсатында бұйырамын:
1. Қазақстан Республикасының Әдiлет министрлігінде (2000 жылғы 5 мамырда № 1143 болып тiркелген) "Кәсiптiк бастауыш және орта оқу орындары оқушыларының ауысуы, оқуын қалпына келтіру тәртібі жөніндегі ережені бекіту туралы" Қазақстан Республикасы Білім және ғылым министрi міндетін атқарушының 2000 жылғы 25 сәуірдегі № 391 бұйрығына мынадай өзгерістер мен толықтырулар енгiзiлсiн:
бұйрықпен бекітілген Кәсiптiк бастауыш және орта оқу орындары оқушыларының ауысу, оқуын қалпына келтіру тәртібі туралы ережесінде:
мынадай мазмұндағы 3-1 тармақшамен толықтырылсын:
"3-1. Бұрын басқа оқу орындарында оқығандарды ауыстыру және оқуын қалпына келтіру:
курстар мен мамандықтар бойынша оқытудың тиісті оқу топтары болған жағдайда;
қабылдаушы оқу орны оқу жұмыс жоспарының оқу пәндері тізбесімен оқушының академиялық анықтамасында немесе сынақ кітапшасында (үлгерім кітапшасында) көрсетілген оқу пәндерінің тізбесіндегі айырмашылық төрт пәннен кем болмаса жіберіледі";
5-тармақ мынадай редакцияда жазылсын:
