Қазақстан Республикасы
Қаржы министрлігінің
Салық комитеті Төрағасының
2003 жылғы 3 желтоқсандағы
№ 493 бұйрығымен бекітілген
ҚР Қаржы министрлігінің Салық комитеті Төрағасының08.12.04 ж. № 625 бұйрығымен күші жойылды
Жер салығы бойынша ағымдағы төлемдер
Есебін жасау ережелері
(701.00-нысан)
1. Жалпы ережелер
1. Осы Ережелер "Салық және бюджетке төленетін басқа да міндетті төлемдер туралы" Қазақстан Республикасының Кодексінің (Салық кодексі) 12 бөліміне сәйкес әзірленген және салық төлеушілердің салық кезеңінің басында өздерінде бар салық салу объектілері бойынша жер салығы бойынша ағымдағы төлемдерді есептеу және уақтылы төлеуге арналған жер салығы бойынша ағымдағы төлемдер есебін (бұдан әрі - Есеп) жасау тәртібін айқындайды.
2. Есепті жасау кезінде:
1) қағаз тасығышта - қалам немесе қаламұшпен, қара немесе көк сиямен, баспа әріптермен немесе баспа құрылғысын пайдалана отырып толтырылады;
2) электрондық тасығышта - Салық кодексінің 69-бабына сәйкес толтырылады.
3. Есепті толтыру кезінде түзетуге, өшіруге және тазалауға жол берілмейді.
4. Көрсеткіштер болмаған кезде тиісті торкөздер толтырылмайды.
5. Сомалардың теріс мәні тиісті жолдың бірінші сол жақ ұяшығында " " таңбасымен белгіленеді.
6. Есепті беру кезінде:
1) қағаз тасығышта келу тәртібімен екі данада жасалады, бір данасы салық органының белгісімен салық төлеушіге қайтарылады;
2) хабарламамен тапсырысты хатпен почта бойынша - салық төлеуші почта немесе байланыстың өзге ұйымының хабарламасын алады;
3) Кодексінің 69-бабындағы 8-тармақтың 3) тармақшасына сәйкес келу тәртібімен немесе электрондық почта бойынша электрондық түрде салық төлеуші Есепті қабылдау (жеткізу) туралы хабарламаны салық органында немесе электрондық почта бойынша алады.
7. Есепке Салық кодексінің 69-бабына сәйкес қол қойылады және куәландырылады.
2. Есепті жасау (701.00-нысан)
8. "Салық төлеуші туралы жалпы ақпарат" бөлімінде салық төлеуші мынадай деректерді көрсетеді:
1) салық төлеушінің тіркеу нөмірі;
2) Есеп берілетін салық кезеңі;
3) салық төлеушінің толық атауы және (немесе) аты-жөні;
4) ЭКЖЖ коды.
