ҚР Денсаулық сақтау министрінің 2012 жылдың 18 мамырдағы № 362 бұйрығымен күші жойылды
Қазақстан Республикасы
Денсаулық сақтау министрінің
"Туберкулезге қарсы санаторийларда
санаторийлық-курорттық емдеуді
жетілдіру туралы"
2004 жылғы 28 маусымдағы
№ 510 бұйрығымен
бекітілген
Туберкулезге қарсы санаторийларда медициналық көмек көрсету ережесі
1. Туберкулезге қарсы санаторийларда медициналық көмек көрсету ережесі (бұдан әрі - Ереже) республикалық, облыстық, қалалық деңгейлердегі туберкулезге қарсы санаторийларда (бұдан әрі - Санаторий) туберкулезбен ауыратын науқастарды санаторийлық-курорттық емдеуді жетілдіру мақсатында әзірленді.
2. Туберкулезбен ауыратын науқастарды кешендік емдеуде бақыланатын химиотерапия негізгі әдіс болып табылады. Химиотерапия санаторийде медицина қызметкерінің тікелей бақылауымен бұрынғы емдеуде қол жеткізген нәтижелерді арттыру және бекіту, кешендік химиотерапияның курсын толық аяқтау мақсатында аурудың жіті белгілері басылғаннан кейін жүргізіледі.
3. Туберкулезбен ауыратын науқастарды емдеудің жеке мерзімдері мынадай мақсатта болады:
1) клиникалық сауығуы;
2) туберкулездік процестің созылмалы түріне айналуын болдырмау.
4. Стационар жағдайында ұзақ мерзімді емдеу көрсетілген жаңа туберкулез нысанымен ауырған, сондай-ақ созылмалы процестің өршу жағдайында кейіннен айғақтары бар барлық науқастарға кейіннен Санаторийға ауыстыра отырып мамандандырылған туберкулезге қарсы емдеу-алдын алу ұйымында (бұдан әрі - Ұйым) емдеуді бастау қажет. Бұл науқастардың бір бөлігін (әсіресе туберкулездің өршусіз аз және созылмалы нысанымен ауыратын науқастар) ауруханалық стационарда алдын ала емдеусіз бірден санаторийге жіберудің мүмкін болатындығын ескертеді.
5. Аяғына дейін емдеудің екінші кезеңіндегі (қолдаушы саты) бақыланатын химиотерапиямен емдеудің тиімділігін қамтамасыз ету мақсатында туберкулездің жұқпайтын нысанымен ауыратын әлеуметтік жағдайлары нашар және шалғай аудандарда тұратын науқастарды туберкулезге қарсы Санаторий жағдайларында емдеуге болады.
