ҚР Денсаулық сақтау министрінің м.а. 2010 жылғы 23 шілдедегі № 533 Бұйрығымен күші жойылды
«Эпидемиология және гигиена
жөніндегі санитарлық-эпидемиологиялық
ереже мен нормаларды бекіту туралы»
Қазақстан Республикасы Денсаулық
сақтау министрдің міндетін атқарушының
2004 жылғы 18 тамыздағы
№ 629 бұйрығымен бекітілген
«Атмосфералық ауаға қойылатын санитарлық-эпидемиологиялық талаптар»
санитарлық-эпидемиологиялық ереже мен нормалары
(2007.26.01. берілген толықтыруларымен)
1. Жалпы ережелер
1. «Атмосфералық ауаға қойылатын санитарлық-эпидемиологиялық талаптар» туралы санитарлық-эпидемиологиялық ережелер және нормалары (бұдан әрі - санитарлық ереже) меншік түріне қарамастан нысандарды орналастырумен, жобалаумен құрылысы қайтадан жаңартылатын, техникалық тұрғыдан жетілдіретін және оны пайдаланатын жеке және заңды тұлғаларға арналған.
2. Осы санитарлық ереже талаптарының сақталуын ұйымдардың басшылары және жеке тұлғалар қамтамасыз етеді.
3. Осы санитарлық ережеде мынандай терминдер және анықтамалар қолданылды:
1) атмосфералық ауа - қоршаған ортадағы атмосфералық табиғи газдар қосындысының жиынтығы;
2) аэроклиматтық жағдай - тропосфера және стратосфераның төменгі қабатында анықталынатын климаттық жағдай;
3) апаттық жағдайда шығару (көптеп) - жылжымалы және стационарлы көздерден атмосфераға зиянды (ластаушы) заттарды шығару;
4) зиянды (ластағыш) заттар - атмосфералық ауада болатын химиялық немесе биологиялық заттар немесе олардың қосындылары. Олар, белгілі бір мөлшерде рұқсат етілген нормадан жоғары болып, адам денсаулығына және қоршаған ортаға зиянды әсер етеді;
5) атмосфералық ауаға зиянды әсер ететін физикалық әсерлер - шудың, дірілдің, иондағыш сәуле көздерінің, температуралық әсердің және басқа да физикалық факторлардың атмосфералық ауаның температуралық, энергетикалық, радиациялық және басқа да физикалық қасиеттерін өзгертіп, адам денсаулығы мен қоршаған ортаға зиянды әсер етуі;
6) атмосфералық ауаның ластануы - атмосфералық ауаға зиянды (ластағыш) заттардың түсуі немесе пайда болуы;
