Экономиканың басым секторларында инвестициялық қызметтi жүзеге
асырушы инвесторлармен келiсiм-шарт жасау кезiнде жеңiлдiктер
мен пұрсаттылық беру рәсiмдерiн жетiлдiру туралы Бұйрық
Қазақстан Республикасы Сыртқы істер министрлігі Инвестициялар
жөніндегі комитеті төрағасының 2000 жылғы 14 сәуір N 01/7
Осы редакция ҚР Индустрия және сауда министрлігі инвестициялар жөніндегі комитеті төрағасының 09.12.02 ж. N 240-П бұйрығымен енгізілген өзгерістеріне дейін қолданылды
Қазақстан Республикасы Президентiнiң "Экономиканың басым секторларында инвестициялық қызметтi жүзеге асырушы инвесторлармен келiсiм-шарт жасау кезiнде жеңiлдiктермен пұрсаттылық беру Ережесiн бекiту туралы" 2000 жылдың 6 наурызындағы N 349 Жарлығын орындау үшiн жеңiлдiктер мен пұрсаттылық беру рәсiмдерiн жетiлдiру мақсатында БҰЙЫРАМЫН:
1. Қоса берiлген:
1) "Экономиканың басым секторларында инвестициялық қызметтi жүзеге асырушы инвесторлармен келiсiм-шарт жасау кезiнде жеңiлдiктер мен пұрсаттылық берудiң мөлшерi мен тәртiбi туралы" нұсқау (Қосымша 1);
2) Экономиканың басым секторларында инвестициялық қызметтi жүзеге асырушы инвесторлар мен келiсiм-шарт жасау кезiнде жеңiлдiктер мен пұрсаттылық алуға арналған Өтiнiмнiң нысаны бекiтiлсін (Қосымша 2).
3) 2002 жылға дейiнгi отандық және шетелдiк тiкелей инвестицияларды тартудағы ең маңызды өндiрiстер тiзбесi (3 Қосымша).
Ескерту: Бірінші тармақ толықтырылды - ҚР Инвестициялар жөніндегі
агенттігінің 2000 жылғы 22 мамырдағы N 01/31
бұйрығымен.
2. Заңда белгiленген тәртiпте "Экономиканың басым секторларында инвестициялық қызметтi жүзеге асырушы инвесторлармен келiсiм-шарт жасау кезiнде жеңiлдiктер мен пұрсаттылық берудiң мөлшерi мен тәртiбi туралы" нұсқау Қазақстан Республикасының Мемлекеттiк кiрiс министрлiгiмен, Қазақстан Республикасының Қаржы министрлiгiмен және Қазақстан Республикасының Экономика министрлiгiмен келiсiлсiн.
