Өнеркәсiптiк меншiк объектiлерiне ерекше құқықты беру туралы
шарттарды тiркеудiң тәртiбi жөнiндегi Ереженi бекiту туралы
Қазақстан Республикасы Әділет министрлігі Санаткерлік меншік
құқығы жөніндегі комитетінің 2001 жылғы 10 тамыздағы N 30
бұйрығы
Осы редакция ҚР Әділет министрлігі Санаткерлік меншік құқығы жөніндегі комитетінің 2004 жылғы 28 қыркүйектегі N 58-п бұйрығымен енгізілген өзгерістеріне дейін қолданылды
1999 жылғы 16 шілдедегi Қазақстан Республикасының Патент заңын, 1999 жылғы 26 шiлдедегi "Тауар таңбалары, қызмет көрсету таңбалары және тауарлар шығарылатын жерлердiң атаулары туралы" Қазақстан Республикасының Заңын iске асыру мақсатында бұйырамын:
1. Өнеркәсiптiк меншiк объектiлерiне ерекше құқықты беру туралы шарттарды тiркеудiң тәртiбi туралы ереже бекiтiлсiн.
2. Өнеркәсiптiк меншiк саласында мемлекеттiк саясатты қамтамасыз ету жөнiндегi басқарма осы бұйрықтың мемлекеттiк тiркелуiн қамтамасыз етсiн.
Қазақстан Республикасының
Әдiлет министрлiгi
Санаткерлiк меншiк құқығы
жөнiндегi комитетi төрайымының
2001 жылғы 10 тамыздағы
N 30 бұйрығымен
бекiтiлген
Өнеркәсiптiк меншiк объектiлерiне ерекше құқықты беру туралы
шарттарды тiркеудiң тәртiбi туралы
Ереже
1. Жалпы ережелер
1. Осы Ереже Қазақстан Республикасы Азаматтық кодексiнiң (Ерекше бөлiм) 1000, 1029-баптарына, 1999 жылғы 16 шiлдедегi Қазақстан Республикасының Патент заңы 11-бабының 6-тармағына және 1999 жылғы 26 шiлдедегi "Тауар таңбалары, қызмет көрсету таңбалары және тауарлар шығарылатын жерлердiң атаулары туралы" Қазақстан Республикасының Заңы 21-бабының 1, 3-тармақтарына сәйкес әзiрлендi және өнеркәсiптiк меншiк объектiлерiне ерекше құқықты беру туралы шарттарды тiркеудiң тәртiбiн белгiлейдi.
2. Осы Ережеде мынадай негiзгi ұғымдар мен терминдер қолданылады:
1) өнеркәсiптiк меншiк объектiлерi - өнертабыстар, пайдалы модельдер, өнеркәсiп үлгiлерi, тауар таңбалары немесе қызмет көрсету таңбалары;
