«Құрылыс жұмыстарының сапасына, жер телімдерін мақсатына
сай пайдалану және рұқсат беру құжаттарын ресімдеуге бақылауды
күшейту туралы»
Алматы қаласы Әкімдігінің 2006 жылғы 17 шілдедегі № 3/941 қаулысы
Алматы қаласы прокурорының 2006 жылғы 8 шілдедегі № 7-8-06 ұсынысын қарап және Сәулет және қала құрылысы департаментінің директоры С.Қ. Баймағамбетовтың, Мемлекеттік сәулет-құрылыс бақылау департаментінің директоры Қ.А. Қоңырбаевтың, Құрылыс департаментінің директоры Қ.Қ. Үсеновтың, Алматы қаласы бойынша Жер ресурстарын басқару жөніндегі басқарманың бастығы А.Е. Сапаровтың құрылыс жұмыстарының сапасына, жер телімдерін мақсатына сай пайдалану және рұқсат беру құжаттарын ресімдеуге бақылауды күшейту туралы сөйлеген сөздерін тыңдай отырып, Алматы қаласының әкімдігі қаулы етеді:
1. Құрылыс, Сәулет және қала құрылысы, Мемлекеттік сәулет-құрылыс бақылау департаметтері, Алматы қаласы бойынша Жер ресурстарын басқару жөніндегі басқарма басшыларының сөйлеген сөздері назарға алынсын.
2. Сәулет және қала құрылысы департаменті (С.Қ. Баймағамбетов), Мемлекеттік сәулет-құрылыс бақылау департаменті (Қ.А. Қоңырбаев), Құрылыс департаментінің (Қ.Қ. Үсенов) директорлары, Алматы қаласы бойынша Жер ресурстарын басқару жөніндегі басқарманың бастығы (А.Е. Сапаров келісім бойынша) қала аумағында тұрғызылып жатқан нысандарды жобалау мен салу жұмыстарының сапасына бақылауды күшейту, жер телімдерін мақсатына сай пайдалануды қатаң сақтау, құрылыс жұмыстарына берілетін рұқсат құжаттарын уақытында ресімдеу жөнінде шараларды қабылдасын. Қала прокурорының ұсынысында көрсетілген жөнсіздіктердің белгіленген мерзімде толық көлемде жойылуын қамтамасыз етсін.
3. Осы қаулының 2-тармағында аталған мемлекетгік органдардың басшылары Қазақстан Республикасының қолданыстағы заңнамаларын бұзуға жол берген қызметкерлерді тәртіптік жауапкершілікке тартсын.
